Nurlan Nyǵmatýlın: Saqtandyrý tarıfteriniń júıesi qolaıly bolýy tıis

NUR-SULTAN. QazAqparat - Májilis tóraǵasy Nurlan Nyǵmatýlınniń tóraǵalyǵymen Palatanyń jalpy otyrysy ótip, onda depýtattar saqtandyrý jáne baǵaly qaǵazdar naryǵyn retteý men damytý máselelerine qatysty zań jobasyn birinshi oqylymda maquldady, dep habarlaıdy QazAqparat.

«Osy zań jobasyn talqylaý barysynda depýtattar jeńil jol-kólik oqıǵalary kezinde jáne zardap shekkender bolmaǵan jaǵdaıda, avtokólik ıeleriniń ózara kelisimi boıynsha polıtsııa shaqyrýsyz jáne sot sheshiminsiz hattama resimdep, ıaǵnı saqtandyrý tólemin jedeldetilgen jáne ońaılatylǵan túrde alý týraly usynystaryn jetkizdi», - delingen Májilis baspasóz qyzmetiniń málimetinde.

Májilis tóraǵasy Nurlan Nyǵmatýlın depýtattardyń usynysyn qoldaı otyryp, osy zań jobasy joǵaryda aıtylǵandaı saqtandyrý tóleminiń jeńildetilgen syzbasyn qoldana alatynyn atap ótti. ıAǵnı, polıtsııa hattamasyn resimdemeı jáne ákimshilik sottyń sheshiminsiz.

Sonymen qatar, otyrysta depýtattar azamattardyń qor naryǵyna qatysý aıasyn keńeıtý qajettigi týraly máselesin kóterdi.

Nurlan Nyǵmatýlın jeke ınvestorlardyń quqyqtaryn qorǵaý sharalaryn kúsheıtý, ol birinshi kezekte bizdiń otandyq qor naryǵymyzdy damytý úshin qajet ekenin aıtty.

2012 jyly Elbasy azamattarymyzdyń IPO arqyly jekeshelendirý protsesterine qatysý mindetin qoıǵanyna nazar aýdarǵan Palata tóraǵasy «QazTransOıl», «Kegok» jáne «Kcell» aktsııalary iske asyrylǵanyn, biraq bul protseske, onyń ishinde jekeshelendirý protsesterine halyqtyń qatysýynyń ashyq jáne qaýipsiz tetigi bolmaǵandyqtan, jeke ınvestor naryqqa kelmegenin alǵa tartty.

Sondaı-aq, Májilis tóraǵasy bıylǵy jyly Memleket basshysy Reformalar jónindegi joǵary keńes týraly otyrysynda árbir azamattyń ulttyq baılyqtyń bir bóligin alý múmkindigi bolýy úshin aktsııalardy birinshi kezekte jeke tulǵalarǵa – Qazaqstan azamattaryna ótkize otyryp, «Halyqtyq IPO» baǵdarlamasyn qaıta bastaý mindetin qoıǵanyn atap ótti.

Nurlan Nyǵmatýlınniń aıtýynsha, bul Qazaqstannyń qor naryǵynyń ósýi aıasynda óte ózekti.

Agenttiktiń málimetinshe, onyń kólemi sońǵy 5 jylda 3 eseden astamǵa ósip, 47 trıllıon teńgege nemese JІÓ-niń 67%-yna jetti.

«Qor naryǵy, shyn máninde, qazirgi kezdegideı kapıtaldy qaıta bólý orny ǵana emes, halyqtyń qosymsha tabys kózderiniń biri bolýy kerek», - dedi Palata spıkeri.

Mysaly, kórshi Reseıde, bólshek ınvestorlardyń úlesi 10% nemese 15 mıllıon adamdy quraıdy.

Jalpy zań jobasy ómirdi saqtandyrýdyń jańa áleýmettik mańyzdy ónimderin endirý jolymen saqtandyrý naryǵyn jáne baǵaly qaǵazdar naryǵyn odan ári damytý, saqtandyrý qyzmetterin tutynýshylardyń jáne qor naryǵynda ınvestorlardyń quqyqtaryn qorǵaý sharalaryn kúsheıtý, saqtandyrýdyń kepildik beriletin synyptarynyń tizbesin keńeıtý, saqtandyrý naryǵy men baǵaly qaǵazdar naryǵynyń kórsetiletin qyzmetterin tsıfrlandyrý úshin quqyqtyq jaǵdaılar jasaý maqsatynda ázirlengen.