Nurlan Nyǵmatýlın resmı saparmen Vetnamǵa barady
12:07, 13 Qarasha 2019
NUR-SULTAN. QazAqparat - Májilis Tóraǵasy Nurlan Nyǵmatýlın 13-15 qarashada resmı saparmen Vetnam Sotsıalıstik Respýblıkasyna barady, dep habarlaıdy Tómengi Palatanyń baspasóz qyzmeti.
Sapar barysynda Vetnam Ulttyq Jınalysynyń Tóraǵasy Ngýen Thı Kım Nganmen jáne osy eldiń joǵary memlekettik bılik organdarynyń basshylarymen kelissózder ótkizý josparlanǵan.
Sondaı-aq, Nurlan Nyǵmatýlın Hanoı ýnıversıtetiniń professorlyq – oqytýshylar quramymen kezdesip, Abaı atyndaǵy ǵylymı jáne mádenı ortalyǵyna barady.
Danang qalasyndaǵy kelissózder barysynda qazaqstan-vetnamdyq yntymaqtastyqtyń perspektıvalyq baǵyttary talqylanady. Onda Májilis Tóraǵasy Vetnamnyń ekonomıkalyq múmkindikterimen tanysady.