Nurlan Nyǵmatýlın: Naýryz meıramy - rýhanı birliktiń sımvoly

NUR-SULTAN. QazAqparat - Májilis Tóraǵasy Nurlan Nyǵmatýlın Ulystyń Uly kúni - Naýryz meıramy qarsańynda barsha qazaqstandyqtarǵa óziniń ıgi tilegin jetkizdi, dep habarlaıdy QazAqparat.

«Barsha qazaqstandyqtardy Ulystyń Uly kúni-Naýryz meıramymen quttyqtaımyn! Bul búkil tirshilik jańaryp, kún men tún teńelip, elimizge, jerimizge yrys-qut ákeletin erekshe mereke. Meıram árbir otbasyna amandyq, jerimizge molshylyq, elimizge tynyshtyq, halqymyzǵa baq-bereke tileımin!

Naýryz merekesiniń negizi halyqtyń birligin, beıbitshilik pen kelisimdi, ózara qurmet pen tatý kórshilik baılanystardy nyǵaıtý, bul Qazaqstannyń Tuńǵysh Prezıdenti-Elbasy Nursultan Nazarbaevtyń, sondaı-aq, Memleket Basshysy Qasym-Jomart Toqaevtyń eldi damytý saıasatyndaǵy basym baǵyttardyń biri» - dedi Nurlan Nyǵmatýlın.

Májilis Tóraǵasy «Naýryz meıramy» ejelden qazaq eli úshin qasıetti, qadirli izgilik pen yntymaqtyń, jańarý men jańǵyrýdyń, dostyq pen syılastyqtyń belgisi ekenin aıtty.

Conymen qatar, Nurlan Nyǵmatýlın yntymaǵy nyǵaıyp, órkenıetke bet alǵan elimiz kez-kelgen qıyndyqty jeńetinine, áz Naýryz ulanǵaıyr Qazaqstanymyzǵa bereke men birlik ákeletinin aıtyp, halqymyzǵa myqty densaýlyq jáne amandyq tiledi.