Nurlan Nyǵmatýlın: Májilis depýtattar bastamashy bolǵan zań jobalaryn qaraıdy

NUR-SULTAN. QazAqparat - Búgin Májilis spıkeri Nurlan Nyǵmatýlınniń tóraǵalyǵymen Palata bıýrosy ótip, onda aldaǵy jalpy otyrystyń kún tártibi naqtylandy, dep habarlaıdy QazAqparat Májilistiń baspasóz qyzmetine silteme jasap.

Bıýro otyrysynda depýtattar qaraýyna «Qazaqstan Respýblıkasy Táýelsizdiginiń otyz jyldyǵyna baılanysty raqymshylyq jasaý týraly» zań jobasyn qaraý usynylady.

Zań jobasy memlekettiń jáne azamattardyń qaýipsizdigine qater tóndirmeıtin qylmystar jasaǵany úshin sottalǵan adamdardy, onyń ishinde azamattardyń áleýmettik qaýqarsyz sanattaryn jazadan bosatýǵa múmkindik beredi.

Kún tártibiniń jobasynda depýtattar bastamashy bolǵan «Qazaqstan Respýblıkasynyń sot júıesi men sýdıalarynyń mártebesi týraly» Qazaqstan Respýblıkasynyń Konstıtýtsııalyq zańyna ózgerister men tolyqtyrýlar engizý týraly» Konstıtýtsııalyq zań jobasyn jáne sot júıesi máseleleri boıynsha zańnamalyq túzetýlerdi birinshi oqylymda qaraý kózdelgen.

Sonymen qatar, aldaǵy jalpy otyrysta «Qazaqstan Respýblıkasynyń keıbir zańnamalyq aktilerine daýlardy sottan tys jáne sotqa deıingi retteý ınstıtýttaryn damytý máseleleri boıynsha ózgerister men tolyqtyrýlar engizý týraly» zań jobasyn birinshi oqylymda qaraý Sondaı-aq, bıýro otyrysynda depýtattarǵa kásipkerlik qyzmet salasynda jańa retteýshilik saıasatty engizý jáne básekelestikti damytý máseleleri boıynsha ózgerister men tolyqtyrýlar engizý týraly zań jobasyn birinshi oqylymda qaraý usynylady.