Nurlan Nyǵmatýlın: Halyqtyń áleýmettik máseleleri depýtattar nazarynda
Májilis tóraǵasy atap ótkendeı, depýtattardyń halyqpen kezdesýlerinde birinshi kezekte, Elbasy Nursultan Nazarbaevtyń áleýmettik bastamalarynyń júzege asyrylý barysy, onyń ishinde, turmysy tómen jáne kópbalaly otbasylardy qoldaý sharalaryna erekshe kóńil bólinedi.
«Depýtattar kezdesý barysynda osy baǵytta qabyldanǵan zańnamalyq qujattarmen qatar, jalpy zańshyǵarýshylyq jumystar jóninde baıandaıdy. Halyq qalaýlylary óndiris oryndarynda, aýylsharýashylyq jáne áleýmettik nysandarda bolyp eńbek ujymdarymen jáne jastarmen kezdesedi, sondaı-aq azamattardyń qoǵamdyq qabyldaýyn ótkizedi dep josparlanýda», - delingen palatanyń baspasóz baıanynda.
Májilis depýtattarynyń halyqpen kezdesýi oblys, aýdan ortalyqtarymen qatar shalǵaıdaǵy eldi mekenderdi de qamtıtyn bolady.