Nurlan Noǵaev OPEK+ kelisimi aıasyndaǵy qadamdar týraly aıtty
«Koronavırýstyń taralýy, qatań shekteý sharalary, munaıǵa degen suranys pen usynys tepe-teńdiginiń buzylýy, álemdik munaı men munaı ónimderi qorlarynyń ulǵaıýy jáne soǵan baılanysty munaı qoımalarynyń tolyp ketýi jáne kóptegen munaı óndirýshi elderde, sonyń ishinde Qazaqstanda munaı óndirisin toqtatý qaýpiniń týyndaýy saldarynan Úkimet «Kómirsýtekterdi barlaý jáne óndirý jónindegi operatsııalardy jáne óndirý jónindegi operatsııalardy júrgizý úshin jer qoınaýy ýchaskelerin paıdalanýǵa ýaqytsha shekteýler engizý týraly» qaýly jobalaryn qabyldaǵan bolatyn. Úkimet jáne OPEK+ kelisimine qatysýshy elder munaı óndirý kólemin qysqartý aıasynda qabyldaǵan sharalardyń nátıjesinde, 2020 jyldyń qorytyndysy boıynsha munaıdyń baǵasy 1 barrel úshin 18–den 50 dollarǵa deıin ósti», - dedi mınıstr.
Onyń aıtýynsha, osyndaı baǵalarmen munaı eksportynan túsetin eseptik paıdanyń ósimi, óndiristi shekteýdi eskergenniń ózinde 2020 jyly shartty túrde 10 mlrd jáne 2021 jyly 14 mlrd quraıdy.
«Ekonomıkalyq yntymaqtastyq jáne damý uıymy qoımalaryndaǵy munaıdyń kommertsııalyq qorlary 3214 mln barrelden 3077 mln barrelge deıin tómendedi», - N. Noǵaev.