Nurlan Noǵaev munaı-gaz hımııany damytýdyń ulttyq jobasyn ázirleýdi usyndy
«Memleket basshysy qańtar aıynda ótken Qazaqstan Úkimetiniń keńeıtilgen otyrysynda iske asyrylyp jatqan munaı-gaz hımııa óndiristerin jedeldetý jóninde is-sharalar qabyldaý, sondaı-aq áleýetti ınvestorlar úshin tartymdy jaǵdaılar jasaý mindetin qoıdy. Osy máseleni sheshýdiń mynadaı joldary usynylady. Birinshiden - munaı-gaz hımııany damytý jónindegi 2025 jylǵa deıingi ulttyq jobany ázirleý. Bul problemalyq máselelerdi sheshýge basa nazar aýdara otyryp, salany naqty damytýǵa, atap aıtqanda munaı-gaz hımııa jobalaryn shıkizatpen qamtamasyz etýge; munaı-gaz hımııa klasterin qurýǵa; qaıta óńdeýdi odan ári damytýǵa múmkindik beredi», - dedi óńdeý ónerkásibin damytý jaıynda baıandaǵan Nurlan Noǵaev.
Onyń aıtýynsha, ekinshiden, Úkimet pen ınvestor arasynda memlekettik qoldaýdyń barlyq is-sharalaryn bir qujatta biriktirýge múmkindik beretin ınvestıtsııalyq kelisim ázirleý qajet.
«Atalǵan kelisim mynadaı nátıjelerge qol jetkizýge múmkindik beredi. Munaı-gaz hımııa ónimderin óndirý kólemi 2020 jylmen salystyrǵanda 2025 jylǵa qaraı 5,5 esege artyp, 2 mln tonnadan astamdy quraıdy. Málimdelgen jobalardy iske asyrý úshin tartylǵan qarajattyń jalpy kólemi, ıaǵnı qaryz qarajaty jáne sheteldik ınvestorlardyń qarajaty) shamamen 3,9 mlrd AQSh dollaryn quraıtyn bolady», - dedi ol.
Mınıstr dereginshe, qurylys kezeńinde 6 myńnan astam jumys orny, paıdalaný kezeńinde shamamen 2 myń jumys orny qurylady.
«Bul rette sarapshylardyń baǵalaýy boıynsha munaı-gaz hımııa salasynda 1 jumys orny ekonomıkanyń aralas salalarynda qosymsha 3 jumys ornyn qurady», - dedi Nurlan Noǵaev.