Nurlan Noǵaev Mańǵystaý oblysy turǵyndaryna úndeý jasady

AQTAÝ. QazAqparat – Mańǵystaý oblysynyń ákimi Nurlan Noǵaev túsinistik tanytyp, sabyrlylyq kórsetken mańǵystaýlyqtarǵa alǵysyn aıtty. Óńir basshysynyń sózinshe, halyqtyń qoldaýy arqasynda qaqtyǵystar oryn alǵan joq.

«Biz osy aınaldyrǵan 2-3 kúnniń ishinde arandatý áreketteriniń, áskerı jáne azamattyq tehnıkalardy basyp alýǵa umtylǵandardyń bolǵanyn joqqa shyǵarmaımyz. Alaıda qalyń halyqtyń qoldaýynyń arqasynda, eldiń túsinistigi arqasynda biz qaqtyǵystarǵa, oqys jaǵdaıǵa jol bergen joqpyz. Men halyqpen birge áli de jaǵdaıdy turaqtandyrý baǵytynda birlesken jumystar atqara beremiz dep senemin», - dedi Nurlan Noǵaev.

Onyń aıtýynsha, qazir óńirde jaǵdaı turaqty. Jol, temirjol qozǵalystary birtindep qalpyna kelip jatyr. Toqtala ketetin jaıt, Mańǵystaý oblysynyń turǵyndary tótenshe jaǵdaıǵa baılanysty ózderin tolǵandyratyn kez kelgen suraqty 109 nómirine qońyraý shalyp, qoıa alady. Qazir osy baǵytta óńirde arnaıy call-ortalyq jumys istep tur.

«Mańǵystaý oblysynyń komendatýrasy qıraǵan ǵımarattardyń kórinisi týraly vıdeolar taratty. Kadrlarda órtelgen kólikter kórsetildi. Jaqynda Aqtaý polıtsııasyna alańdy tastap shyǵýdan bas tartqan bes adam jetkizildi. Olardy jaýapkershilikke tartý máselesi qaralýda», - delingen telearnalar taratqan aqparatta.