Nurlan Noǵaev kún men jelden alǵan elektrdiń nege qymbat ekenin túsindirdi

NUR-SULTAN. QazAqparat – Energetıka mınıstri Nurlan Noǵaevqa el aldyndaǵy eseptik kezdesý kezinde jańartylatyn energııa kózderinen alynatyn elektrdiń qymbattyǵy týraly saýal qoıyldy, dep habarlaıdy QazAqparat.

Energetıka mınıstri eldegi energetıka naryǵynda jańartylatyn kózderden alynǵan energııanyń úlesi artsa da, onyń baǵasy arzandamaıtynyn eskertti.

«Kún, jel, sý elektr stansalary jańartylatyn energııa kózderine jatady. Byltyr óndirilgen 100,8 mlrd KVt/-saǵat energııanyń 3 paıyzy ǵana kún, jel, sý elektr stansalarynan alynǵan. Bul qazirgi tańda baǵanyń eleýli tómendeýin qamtamasyz ete almaıdy», - dedi mınıstr.

Vedomstvo basshysynyń aıtýynsha, elektrdiń qazirgi quny qoldanystaǵy zańnamamen naqty reglamenttelgen.

«Jańartylatyn energııa týraly zań boıynsha energııa óndirýshi mekemeler jańartylatyn energııa kózderi shyǵarǵan mekemelerdiń elektr qýatyn satyp alyp otyr. Negizi tarıf te, ony júzege asyrý máselesi de óte qymbat. Biz jańartylatyn energııa kózderin iske qosyp, kólemin arttyrǵan kezde elektr quny tómendeıdi degen jańsaq pikr ekenin aıtqym keledi», - dedi mınıstr.