Nurlan Noǵaev qyzmetinen bosatyldy
Bul týraly Aqordanyń baspasóz qyzmeti habarlady.
Noǵaev Nurlan Asqaruly 1967 jyly 30 shildede Aqtóbe oblysy, Muǵaljar aýdany, Qandyaǵash qalasynda dúnıege kelgen. 1993 jyly I. Gýbkın atyndaǵy Máskeý memlekettik munaı jáne gaz akademııasyn taý-ken ınjıneri mamandyǵy boıynsha bitirdi. 1999 jyly Qazaq memlekettik basqarý akademııasyn «halyqaralyq ekonomıkalyq qatynastar» mamandyǵy boıynsha jáne 2006 jyly RF SІM Máskeý memlekettik halyqaralyq qatynastar ınstıtýtyn (Ýnıversıtet) iskerlik ákimshilik magıstrin bitirdi.
Eńbek jolyn Aqtóbe oblysy Oktıabrsk qalasynyń Qandyaǵash stantsııasynda elektromonter bolyp bastaǵan.
Máskeý qalasynda munaı ónimderi jónindegi aǵa sarapshy, «Gılı-Pasker» JShS-niń bólim bastyǵy (1993-1995). Almaty qalasynda «Otyrar Ltd» shaǵyn kásiporny bas dırektorynyń orynbasary (1995-1996). 1996-2006 jyldary aralyǵynda marketıng jónindegi ınjener, «Qazaqtúrikmunaı» JShS-niń marketıngi, munaı jáne munaı ónimderin satý bóliminiń bastyǵy, bas dırektory qyzmetterin atqarǵan.
2006 jylǵy aqpan-tamyz aralyǵynda «QazMunaıGaz «Ulttyq kompanııasy» AQ-nyń atqarýshy dırektory boldy. 2006 jyldyń tamyzynan bastap Qazaqstan Respýblıkasy Energetıka jáne mıneraldyq resýrstar mınıstrliginiń Munaı ónerkásibi departamentiniń dırektory bolyp jumys istedi.
2007 jyldyń qyrkúıeginen bastap Batys Qazaqstan oblysy ákiminiń ekonomıka, qarjy jáne munaı-gaz sektory máselelerine jetekshilik etetin orynbasary boldy.
2012 jyldyń 20 qańtarynda Batys Qazaqstan oblysynyń ákimi bolyp taǵaıyndaldy. 2016-2019 jyldary aralyǵynda Atyraý oblysynyń ákimi. 2019 jylǵy 18 jeltoqsan — 2021 jylǵy 7 qyrkúıekke deıin Energetıka mınıstri.
2021 jyldyń 7 qyrkúıeginen bastap Qazaqstan Respýblıkasy Prezıdentiniń Jarlyǵymen Mańǵystaý oblysynyń ákimi bolyp taǵaıyndaldy.