Nurlan Noǵaev Qazaqstanda munaıdy óńdeý mólsheriniń nelikten azaıǵanyn túsindirdi
«Qazaqstanda munaıdy óńdeý mólsheri 6,2 mln tonnany ǵana qurady. 2019 jyldyń kezeńine qaraǵanda bul 91,4 paıyzdy quraıdy. Kórsetkishterdiń tómendeý sebebi – ekonomıkalyq belsendiliktiń tómendeýinen, qabyldanǵan karantın sharalaryna baılanysty elimizdegi ishki naryqtarda da tutyný azaıdy. Sol sebepti munaı óńdeý men munaı ónimderin óndirý kólemi azaıtyldy», - dedi Nurlan Noǵaev Úkimet otyrysynda.
Mınıstrdiń aıtýynsha benzın óndirisi qalypty bolǵanymen, dızel otyny men áýe benzıniniń óndirisiniń kólemi azaıyp ketken.
«Munaı ónimderi naryǵynda jaǵdaı turaqty. Janar-jaǵarmaı naryǵynda tapshylyq baıqalmaıdy. 2020 jyldyń qańtar-mamyr aılarynyń qorytyndysy boıynsha 205 myń tonna benzın Eýropa elderi men Ortalyq Azııa memleketterine eksporttalǵan. Іshki naryqty bıtýmmen turaqty túrde qamtamasyz etý maqsatynda mınıstrlik Indýstrııa jáne ınfraqurylymdyq damý mınıstrligimen 2020 jylǵa 984 myń tonna bıtým óndirisiniń kestesin bekitti», - dedi ol.