Nurlan Noǵaev Belarýs elshisimen kezdesti

NUR-SULTAN. QazAqparat - Qazaqstan Respýblıkasynyń Energetıka mınıstri N.A. Noǵaev Qazaqstandaǵy Belarýs Respýblıkasynyń Tótenshe jáne Ókiletti Elshisi A.I. Nıchkasov jáne Belarýs memlekettik munaı jáne hımııa kontserniniń vıtse-prezıdenti A.N. Býnaqovpen kezdesti, dep habarlaıdy QazAqparat QR Energetıka mınıstrliginiń Baspasóz qyzmetine silteme jasap.

Taraptar Qazaqstan Respýblıkasynyń Úkimeti men Belarýs Respýblıkasynyń Úkimeti arasyndaǵy Belarýs Respýblıkasyna munaı jáne munaı ónimderin jetkizý salasyndaǵy saýda-ekonomıkalyq yntymaqtastyq týraly kelisim mátininiń jobasy boıynsha máselelerdi, munaı jáne munaı ónimderin jetkizýdiń yqtımal kólemin jáne basqa da máselelerdi talqylady.

Jalpy, Kelisimniń jobasyn memlekettik organdar qaraıdy.

Yqtımal jetkizýlerdiń bastalýy taraptardyń sharýashylyq júrgizýshi sýbektileriniń kommertsııalyq múddelerine baılanysty bolatyn Kelisim kúshine engennen keıin boljanyp otyr.

Eń utymdy nusqa, árıne, qubyr kóligimen jetkizý bolyp tabylady. Biraq, eger mýltımodaldy jetkizilimder ekonomıkasy «ótimdi» bolsa, onda mundaı jetkizilimder de múmkin bolady.

Aıta ketý kerek, birinshi kezekte kelisimge qol qoıylyp, ony ratıfıkatsııalaýǵa tıis jáne ekinshi kezekte BR Munaı jáne munaı ónimderin jetkizý boıynsha kompanııalardyń kommertsııalyq múddeliligi qajet.