Nurlan Noǵaev aldaǵy jylytý maýsymynyń mańyzdy problemasyn atady
Onyń aıtýynsha, jalpy elde jylý berý kezeńi turaqty rejımde ótken. Qysqy júkteme maksımýmy 2020 jylǵy 9 qańtarda belgilenip, 15 182 MVt-ty quraǵan. 226 energııa kásiporny 2019-2020 jyldardaǵy kúzgi-qysqy kezeńde jumysqa ázirlik pasportyn alǵan. Ázirlik pasportyn almaǵan 34 energııa kásiporny ákimshilik jaýapkershilikke tartylǵan.
«Mundaı kásiporyndar úshin jylý berý maýsymyna daıyn bolmaý saldarynan elektr qýatyn óshirý qaýpi joǵary. Alaıda olar tyıymdardyń bolmaýyna baılanysty óz qyzmetin ári qaraı jalǵastyryp jatyr. Aıyppuldardyń mólsheri az bolǵandyqtan, energetıkalyq mekemeleri jylý berý maýsymyna daıyn bolý úshin pasport alýdan bas tartyp otyr. Bul másele turaqty túrde ıınıstrlikte kóterilýde, biraq qoldaý tappady», — dedi Nurlan Noǵaev.
Mınıstrdiń sózinshe aldaǵy jylytý maýsymyna daıyndyq kezinde sheshimdi qajet etetin mańyzdy másele — otynǵa kredıtorlyq bereshektiń aıtarlyqtaı úlken kólemi.
«Bıylǵy 1 maýsymdaǵy jaǵdaı boıynsha energııa óndirýshi uıymdardyń «QazTransGaz-Aımaq» AQ aldyndaǵy bereshegi 6,4 mlrd teńgeni quraıdy. Sondaı-aq energııa óndirýshi uıymdardyń «Bogatyr-Kómir» JShS aldyndaǵy jalpy somasy 3,3 mlrd teńgeni quraıtyn qaryzy bar», — dedi mınıstr.