Nurlan Másimovtiń isi qylmystyq sotqa qaıtaryldy

PAVLODAR. QazAqparat - Nurlan Másimovtiń isi Pavlodar mamandandyrylǵan qylmystyq sotyna qaıtaryldy. Mundaı sheshimdi Pavlodar oblystyq qylmystyq ister jónindegi sot alqasy qabyldady, dep habarlaıdy QazAqparat Pavlodarnews.kz saıtyna silteme jasap.

«Alqa qylmystyq isti prokýrorǵa qaıtarý týraly úkimniń kúshin joıyp, isti qaraý úshin Qylmystyq is boıynsha mamandandyrylǵan aýdanaralyq sotqa jiberdi», - dedi oblystyq sottyń baspasóz qyzmetinen.

Eske salsaq, 7 qańtarda Nurlan Másimovtiń isi Prokýratýraǵa keri qaıtaryldy.

Byltyr 17 qańtarda Pavlodar oblysy polıtsııa departamentiniń basshysy Nurlan Másimov qyzmetinen bosatylǵan edi.

Sol jyly maýsymda Pavlodar oblystyq Polıtsııa departamentiniń burynǵy bastyǵy Nurlan Másimovke izdeý jarııalanǵan bolatyn. Oǵan asa aýyr sybaılas jemqorlyq qylmys jasady degen aıyp taǵyldy.

Keıin izdeý jarııalanǵan Nurlan Másimov týraly aqparat bergen adamǵa 12 mln teńgege deıin syıaqy beriletini habarlandy.

2022 jyly 13 shilde de QR Ultyq qaýipsizdik komıtetiniń ókilderi Nurlan Másimovti Reseımen shekarada ustady.