Nurlan Qoıanbaev pen Beıbit Álibekov «Taza qala» baǵdarlamasyna tústi

<p>ASTANA. KAZINFORM &ndash; Belgili kınoprodıýser, telejúrgizýshi, akter Nurlan Qoıanbaev pen tanymal bloger Beıbit Álibekov Jibek Joly arnasynyń &laquo;Taza qala&raquo; baǵdarlamasynyń kezekti shyǵarylymyna qatysty. Bul aptada Prezıdent Teleradıokesheniniń &laquo;Taza qala&raquo; jobasy óz kórermenine alyp shahar &ndash; Almatydan shyǵarylym <a href="https://kaz.inform.kz/news/taza-kala-en-r-megapoliste-ekologiyalik-sanani-kalay-koteru-kerek-b6d402/" target="_blank" rel="noopener">usyndy</a>. Qazaqstannyń eń úlken megapolısi &ndash; Alataý baýraıyndaǵy alyp qala turǵyndarynyń ekologııalyq belsendiligimen erekshelendi.&nbsp;</p>

N. Qoıanbaev Instagram jelisinde qoqys jınap ákelgen belsendige tegin kofe beretin Mahaddın myrzany tanystyrǵan edi. Tabıǵatty aıalap, ózgelerdi de osy ıgi iske shaqyryp júrgen kásipkerdiń jumysyn tanystyrý úshin baǵdarlama júrgizýshisi Á. Kárbozov pen N. Qoıanbaev qolǵa qapshyq alyp, kishigirim senbilik jasady. 

Foto: vıdeodan alynǵan kadr

Jer sharyn aralap kıno túsirgen prodıýser Qazaqstandaǵy tazalyq deńgeıi jóninde de pikirin bildirdi. 

«Elimizde qoqys máselesi tym nashar dep aıtýǵa bolmaıdy, salystyrmaly túrde bizdiń el taza. Árıne árbir halyqtyń óz «erkeleri» bolady. Onnan bir adam bilmeýshilikpen dalaǵa qoqys laqtyrsa, ony terip-jınaıtyn belsendi turǵyndarymyz da kóp. Sońǵy kezde qoqys jınaý sánge aınalyp jatyr. Onyń bir sebebi – Prezıdent jarııalaǵan «Taza Qazaqstan» aktsııasy ekeni sózsiz. Tazalyq taqyrybyn Prezıdenttiń ózi qoldap jatyr, ıaǵnı bul óte mańyzdy. Patrıotızm osydan bastalady», - deıdi N. Qoıanbaev. 

Almaty – álem kóshinen qalmaı damyp kele jatqan zamanaýı meken. Munda jasyl ómir saltyn ustanatyndar da jeterlik. Tanymal bloger Beıbit Álibekov alǵashqylardyń biri bolyp, elektrokar satyp alǵan.

Foto: vıdeodan alynǵan kadr

«Muny halyqtyń kópshiligi haıp retinde qabyldady dep oılaımyn. Degenmen, birinshi kezekte bul qaladaǵy ekologııalyq jaǵdaıdy jaqsartý úshin jasalǵanyn aıtý kerek. Almatyny tazartýǵa rasymen múmkindigimiz bar. Kólikpen júrip, qalanyń nebir tusyn kóremiz. Zamanaýı kólikterde aýanyń lastanýyn anyqtaıtyn RM2.5 bólshekterin kórsetetin múmkindik bar. Máselen, Alataý aýdanynda JES-2 ornalasqan. Ásirese qys mezgilinde Alataý aýdanynda barǵanda «Ómirge qaýipti» degen eskertý shyǵady», - deıdi bloger. 

Aıta keteıik, túsirilim toby Qazaqstannyń iri jáne shaǵyn qalalaryna barady jáne árqaısysynyń tazalyǵy men kórki týraly áńgimeleıdi. Jýrnalıster jergilikti turǵyndarmen kezdesedi, kommýnaldyq qyzmetterdiń jumysyn kóredi. Qoǵamdyq birlestik ókilderimen, aımaqtyń ekologııalyq ómirine belsendi qatysatyn barlyq eriktimen tanysady.

Foto: vıdeodan alynǵan kadr

«Taza qala» jobasynyń ár shyǵarylymynda tilshiler jergilikti bılik ókilderimen suhbattasyp, táýelsiz ekolog-sarapshylarmen birge óz baǵalaryn beredi. Bul eldi mekender men jalpy óńirlerdiń sanıtarlyq tazalyq, ekologııalyq tazalyq, abattandyrý boıynsha obektıvti reıtıngin jasaýǵa múmkindik týǵyzady. 

Buǵan deıin Kazinform saıtynda Shymkent (18 upaı), Túrkistan (18), Taraz (15), Qyzylorda (20), Óskemen (11), Semeı (14) jáne Pavlodar (17) qalalarynyń tazalyǵy jóninde fotoreportaj serııasy jarııalanǵan edi.