Nurlan Qabdaıulynyń «Sur áńgime» atty jınaǵy jaryq kórdi

NUR-SULTAN. QazAqparat – Qazaq prozasynda ózindik qoltańbasymen erekshelenip, stıli men tásilderi tosyn áńgimeleri arqyly talǵampaz oqyrmandardyń oń baǵasyn alyp júrgen jas jazýshy, «QazAqparat» HAA «Ádebıet portaly» ınternet jobasynyń jetekshisi Nurlan Qabdaıdyń «Sur áńgime» atty tyrnaqaldy jınaǵy jaryq kórdi.

Nur-Sultan qalasyndaǵy «Órnek» baspasynda basylyp shyqqan bul kitapqa jazýshynyń ár kezde jazylǵan áńgimeleri men shetel ádebıetinen aýdarmalary qamtylǵan. Áńgime jazý – qysqa-nusqalyqty, az arqyly kópti qamtýdy, kompozıtsııalyq jınaqylyqty, ásirese, til sheberligin qajet etedi. Ómirdiń ózinen oıyp alynǵan túrli oqıǵalar men jaǵdaıattarǵa qurylǵan árbir áńgime oqyrmandy beı-jaı qaldyrmaıtyny anyq. «Az jazsań da, saz jaz» deıtin prıntsıpti ustanatyn jazýshynyń bul jınaǵyna 19 avtorlyq, 5 aýdarma áńgime qamtylǵan.

«Qazaqparat» halyqaralyq aqparat agenttigi Nurlan Qabdaıulyn tyrnaqaldy týyndysy jaryq kórýimen quttyqtaı otyryp, shyǵarmashylyq tabys tileıdi.