Nurlan Ermekbaev jastardy dinı fanatızmnen aýlaq bolýǵa shaqyrdy
Qazaqstan Respýblıkasynyń Din isteri jáne azamattyq qoǵam mınıstri Nurlan Ermekbaev búgin Aqtaý qalasynda halyqaralyq forýmǵa qatysýda. Sondaı-aq, forým jumysyna Mańǵystaý oblysynyń ákimi Eraly Toǵjanov, Ázerbaıjan Respýblıkasy Jastar isi jáne sport mınıstriniń orynbasary Intıgam Babaev, Qazaqstan Respýblıkasy bilim jáne ǵylym mınıstrliginiń jaýapty hatshysy Aryn Órsarıev, Qazaqstan Respýblıkasyndaǵy Iran Islam Respýblıkasynyń bas konsýly Mahmýd Adıb qatysty.
Nurlan Ermekbaev forým qatysýshylaryna arnap quttyqtaý sóz sóıledi.
«Qazaqstan Respýblıkasynyń Prezıdenti Nursultan Nazarbaev «Teńiz jerlerdi bólgenimen, halyqtardy bóle almaıdy, kerisinshe olardy tabystyrady», - dep aıtyp júredi. Elbasynyń bul qanatty sózi myńjyldyqtar boıy bizdiń memleketterimiz arasynda qalyptasqan dostyq qarym-qatynastyń mańyzdylyǵyn bildiredi. Aqtaý qalasynda ótip jatqan Halyqaralyq forým Kaspıı jaǵalaýyndaǵy elderdiń jastary arasynda dostyq baılanysty nyǵaıtýǵa baǵyttalǵan. Osy forým arqyly jastarymyz bir-birimen ózara áriptestik ornatyp jáne ózderi eńbek etip júrgen ár sala boıynsha tájirıbe almasýǵa múmkindik alady»,- dep atap ótti mınıstr Nurlan Ermekbaev.
Nurlan Ermekbaev jastarǵa Kaspıı jaǵalaýy elderiniń áriptestik máselelerin taqylaý úshin jumys babynda jıi kezdesýler ótkizip turýǵa usynys bildirip, Qazaqstan tarapynan únemi qoldaý kórsetiletindigin atap ótti.
«Elimiz qazirgi ýaqytta «Rýhanı Jańǵyrý» baǵdarlamasyn júzege asyrýǵa kiristi. Atalǵan baǵdarlamada pragmatızmdi damytý turǵysynda zamanaýı talaptardy eskere otyryp, ulttyq mádenıet pen tarıhymyzdy saqtap qalý jolyndaǵy jumystarǵa erekshe den qoıylǵan. Jazýdy latyn qarpine kóshirýge daıyndyq júrgizilýde. Іshki jáne syrtqy týrızmdi damytý boıynsha jumystar qolǵa alynbaq. Osylaısha, Qazaqstan Kaspıı mańy memleketteriniń tabıǵı jáne geografııalyq artyqshylyqtaryn paıdalanýdyń mańyzdylyǵyn rastaıdy», - dedi mınıstr.
Nurlan Ermekbaev eldiń damý jolynda jastardyń mańyzdy rólge ıe ekendigin atap ótti.
«Jas urpaqtyń bilimdi, saýatty bolýy, etnıkalyq jáne dinı aıyrmashylyqtarǵa tózimdilik jáne izgilik tanytýy mańyzdy. Jastarymyz din fanattary men ekstremıstik uıymdardan boılaryn aýlaq ustaýy tıis. Sondaı-aq, jastardyń árbiri eshkimniń qysymynsyz, ózderiniń dinge jáne dinı senimderge degen qózqarastaryn oınalyp baryp aıqyndaýlary qajet», - dep atap aıtty Din isteri jáne azamattyq qoǵam mınıstri.
Shara sońynda Nurlan Ermekbaev forým qatysýshylarynyń jumysyna tabys tiledi.
Aıta keterligi, aýqymdy sharany - Qazaqstan Respýblıkasynyń Din isteri jáne azamattyq qoǵam mınıstrligi, Mańǵystaý oblysynyń ákimdigi jáne Almaty Menedjment Ýnıversıteti uıymdastyryp otyr.
Forýmnyń maqsaty - mádenıetaralyq dıalogty qalyptastyrý, jastar saıasaty salasyndaǵy ınnovatsııalardy tanystyryp, úzdik mamandarmen tájirıbe almastyrý, jastar uıymdary men Kaspıı jaǵalaýy elderi jastarynyń dostyq áriptestigin nyǵaıtý bolyp tabylady.