Nurlan Ermekbaev úkimettik emes uıymdarmen birlesken is-qımyl máselesin pysyqtady
Úılestirý keńesi memleket pen ÚEU-nyń turaqty jumys jasaıtyn suhbat alańy bolmaq. ÚEU-men ózara is-qımyl boıynsha tıimdi qyzmettiń basymdyqtaryn jáne júıeli saıasatty qalyptastyrý keńestiń negizgi maqsaty.
Mınıstr Nurlan Ermekbaevtyń aıtýynsha, ýákiletti organ retinde Mınıstrlik ÚEU salasyndaǵy zańnamany jetildirý boıynsha turaqty negizde jumys júrgizýde. Búgingi tańda memlekettik áleýmettik tapsyrysty qalyptastyrý men baǵalaýda jańa tásilderdi usynatyn zań jobasy QR Parlamenti Májilisiniń talqylaýynda. Zań jobasy ÚEU-men birlesip ázirlendi.
Sondaı-aq, memlekettik organdardyń úkimettik emes sektormen ózara is-qımyl tájirıbesi jetildirilýde. Mınıstrlik ortalyq jáne jergilikti memlekettik organdarǵa salalyq ÚEU-men júıeli kezdesýler uıymdastyrýdy usynady. Qoǵamdy alańdatatyn kókeıkesti máselelerge turaqty monıtorıng uıymdastyryldy.
Memleket, ÚEU jáne kásipkerlik - úshjaqty áriptestigin damytý boıynsha sharalar iske asyrylýda. ÚEU-men birge alǵashqy «ASAR» forýmyn ótkizýge daıyndyq júrgizilýde. Mańyzdy qoǵamdyq máseleler boıynsha ÚEQ-men ekijaqty keńesý formaty engizildi.
Úılestirý keńesiniń otyrysy barysynda respýblıkalyq jáne óńirlik deńgeıdegi ÚEU-men ózara is-qımyl máseleleri talqylandy. Sonymen qatar, Qaraǵandy jáne Ońtústik Qazaqstan oblystaryndaǵy ÚEU-men ózara is-qımyl tájirıbesi qarastyryldy.
Kún tártibine sáıkes din isteri jáne azamattyq qoǵam (A.Núkenov), Densaýlyq saqtaý (A.Tsoı), Eńbek jáne halyqty áleýmettik qorǵaý (S.Jakýpova) vıtse-mınıstrleri, Qaraǵandy oblysy ákiminiń orynbasary (J.Abıshev), Ońtústik qazaqstan oblysynyń Іshki saıasat basqarmasynyń basshysy (B.Tólegen) sondaı-aq, Úılestirýshi keńes múshesi, «Azamattyq qoǵamdy damytý qaýymdastyǵy» QB D.Asanova baıandama jasady.
Otyrys nátıjesinde atalǵan baǵyttaǵy jumysty ári qaraı jetildirý boıynsha usynymdar ázirlendi.