Nurlan Ermekbaev oq-dári bazalarynyń qurylysyn jedeldetýdi tapsyrdy

NUR-SULTAN. QazAqparat – QR Qorǵanys mınıstri Nurlan Ermekbaev jaýapty tulǵalarǵa oq-dári saqtaýǵa arnalǵan eki bazanyń qurylys jumystaryn jedeldetýdi tapsyrdy, dep habarlaıdy QazAqparat tilshisi.

«Atalmysh obektilerdiń qurylysy 2019 jylǵy QR Qarýly Kúshterdegi qarý-jaraq pen oq-dárilerdi saqtaý obektilerin jetildirýdiń Keshendi josparynda qarastyrylǵan. Obektilerdiń qurylysy oq-dárilerdi qaýipsiz saqtaýdyń barlyq jolyn eskere otyryp uıymdastyrylǵan. Sondaı-aq, kúzettiń tehnıkalyq quraldary, beınebaqylaý jáne avtomatty órt sóndirý júıeleri kózdelgen. Keshendi josparda qoımalardy eldi mekenderden alshaqtatý, arsenaldar men bazalar janyndaǵy tyıym salynǵan aımaqtardyń, aýdandardyń shekaralaryn saqtaý eskerilgen», - delingen Qorǵanys mınıstrligi baspasóz qyzmetiniń habarlamasynda.

Eske salsaq, Jambyl oblysyndaǵy jarylys boıynsha ótken baspasóz máslıhatynan keıin QR Qorǵanys mınıstri Nurlan Ermekbaev BAQ ókilderine otstavkaǵa ótinish berýge daıyn ekenin aıtqan bolatyn.

«Qazirgi ýaqytta basty maqsatym - apattyń saldaryn tez arada joıý. Al sizderdi otstavka máselesi qyzyqtyratyn bolsa, onda men osy habardy estigennen keıin birinshi mınýtta ózim úshin sheshim qabyldadym. Men otstavkaǵa ótinish beremin, otsavkaǵa jiberýin suraımyn. Al qalǵanyn joǵarǵy basshylyq sheshedi», - degen edi mınıstr.