Nurlan Dýlatbekov: Senim bar kezde ǵana memleket damıdy, sony este saqtaý kerek
«Qaıtys bolǵan azamattardyń týǵan-týystaryna kóńil aıtyp, jaraqat alǵan baýyrlarymyzdyń tezirek jazylyp ketýin tileımin. Shynynda da, bul bizge elimizge, mentalıtetimizge kelmeıtin jaǵdaı eken. Sabyrǵa shaqyrý kerek. Bizdiń úlken jetistigimiz – ózara tatýlyq, bir-birimizge degen meıirim. Qanshama jyl boıy kórshi elderde ne bolyp jatqanyn kórip otyrmyz ǵoı. Bereke-birlimigizben maqtanamyz. Sol sebepti osyndaı synı kezeńde árqashan sabyr aqtaý kerek», - dedi májilismen.
Depýtattyń aıtýynsha, Qazaqstanda qanshama ult ókilderi birlikte ómir súrip jatyr.
«Olardyń barlyǵy da bizdiń eldiń, elbasshylarynyń alǵa qoıǵan mindetterin júzege asyryp, ortaq maqsatqa umtylyp, soǵan jumys isteýi kerek. Bir-birimizge senim bar kezde ǵana memleket damıdy. Biz sony este saqtaýǵa tıispiz», - dedi Nurlan Dýlatbekov.
Eske sala keteıik, keshe Jambyl oblysy Qordaı aýdanyndaǵy Masanchı aýylynyń turǵyndary arasynda jappaı tóbeles boldy. Kóp ótpeı Prezıdent Qasym-Jomart Toqaev Jambyl oblysy Qordaı aýdanynda bolǵan jappaı tóbeleske qatysty pikir bildirgen-di.
«Jambyl oblysy Qordaı aýdanynda buzaqylyq sıpattaǵy jappaı tóbeles boldy. Ony arandatýshylar óz paıdasyna qoldanbaq bolǵan. Polıtsııa jaǵdaıdy rettep, óz baqylaýyna aldy. Qoǵamdyq tártipti buzǵandar jaýapkershilikke tartylady» dep jazdy Qasym-Jomart Toqaev Twitter paraqshasynda.
Al búgin Memleket basshysy Jambyl oblysyndaǵy oqıǵaǵa baılanysty málimdeme jasady.