Nurlan Beknazarov: Aýyldarǵa qaldyrylǵan salyq túsimi kóp máseleni sheshedi
«Memleket basshysy Úkimettiń sońǵy keńeıtilgen otyrysynda birqatar naqty tapsyrmalar berip, bolashaqta atqarylatyn jumystardy belgiledi. Alda turǵan aýqymdy isterdiń basym kópshiligi – halyqtyń ál-aýqatyn kóterý men elimizdiń ekonomıkasyn jaqsartýǵa baǵyttalǵan naqty qadamdar bolyp otyr. Memleket basshysy qańtar aıyndaǵy sózinde de halyq pen elimizdiń jaǵdaıyn jaqsartý jónindegi jumystyń jalǵasatyndyǵyn aıtqan bolatyn. Ony halyq durys qabyldap, durys túsinip otyr. Onyń ishinde negizgi basymdyqtardyń biri - kópten beri sheshilmeı júrgen bıýdjettik qalyptastyrý, bıýdjettik ara-qatynas máselesi. Bizde biraz qarjy kólemderin jergilikti jerge qaldyrý máselesi aıtylyp kele jatqanyna kóp boldy. ıAǵnı, jergilikti jerdegi halyqtyń muń-muqtajyn sheshýge, ınfoqurylym máseleleri bar, jalpy áleýmettik jaǵdaıyn jaqsartýǵa jumsalatyn qarjylardy ornymen paıdalaný kerek bolyp otyr», - dedi N. Beknazarov.
Sonymen qatar senator aýyldardy qarjylandyrý máselesine pikir bildirdi. «Prezıdentimiz tabys kózi men ortasha aılyq arasyndaǵy alshaqtyqty naqty kózboıaýshylyq ekenin atap aıtty. Kóptegen azamattardyń ómirdegi turmys jaǵdaıy men qaǵaz júzindegi statıstıka sáıkes kelmeıtini ras. Aýyldyq eldi mekenderge basa nazar aýdarylyp otyr. Ol máseleler Senat qabyrǵasynda da qaralyp keledi. Prezıdenttiń osy máselege qatysty tolyq kólemde qarjylandyrý týraly tapsyrmasynyń mańyzy zor. Bizde 2186-daı aýyldyq eldi meken bar. 2021 jyly Prezıdenttiń tapsyrmasyna sáıkes, sol eldi mekenderdiń, aýyl men selo ákimderin halyq ózi saılap aldy. ıAǵnı, halyq senim bildirgen ákimderdiń ary qaraıǵy jumysy kóp jaǵdaıda qarjyǵa kelip tireledi. Ortasha eseppen alatyn bolsaq, qazirgi statıstıka jalpy ózderiniń salyqtary men jınaǵan qarajaty ortasha eseppen 100 paıyz qajettiliktiń 17 paıyzyn ǵana jaýyp otyr. Sondyqtan bul jerde halyqtyń muń-muqtajyn sheshý úshin jergilikti kerekti jerde saılanǵan ákimmen birlese otyryp, aýyldyq eldi mekenderdiń qosymsha salyq túrlerin ózderine qaldyrý máselesi qaralyp otyr. Memleket basshysynyń tapsyrmasyna sáıkes, qarjy jáne ekonomıka mınıstrilikteriniń mamandary máseleni aldyn ala pysyqtap, zerdelep shyǵý kerek. Óıtkeni aýyldyq eldi mekenge qaldyrylǵan qarjy barlyq máseleni sheshedi», - dedi depýtat.