Nurlan Baıbazarov baspananyń qymbattaýy jaıly: ony joqqa shyǵarmaımyz

<p>ASTANA. KAZINFORM &mdash; Elimizdiń turǵyn úı naryǵynda baspana baǵasy qymbattaýy múmkin. Mundaı yqtımaldyqty Úkimette ótken brıfıngte Premer-Mınıstrdiń orynbasary &mdash; Ulttyq ekonomıka mınıstri Nurlan Baıbazarov joqqa shyǵarmady.</p>

— Baspana naryǵyna keler bolsaq, qurylysshylar aıtatyn syrtqy qorabyna tsement, armatýra syndy qurylys materıaldary kerek. Onyń bárin ózimiz qamtamasyz etip otyrmyz. Bizde ishki árleýge qatysty problema bar. Degenmen, munda da sharalar qabyldanyp jatyr. Ónerkásip qurylys mınıstrligine ımportqa táýeldilikten tezirek arylý úshin Qazaqstanda naqty ishki árleý materıaldary boıynsha qurylys salasyn damytý jóninde tapsyrma berdik. Baspana naryǵynda ımportalatyn qurylys materıaldaryna baǵanyń ósýine baılanysty baǵanyń ózgerýi yqtımal. Muny joqqa shyǵarmaımyz, — dedi Nurlan Baıbazarov BAQ ókilderiniń saýalyna oraı.

Degenmen, vıtse-premer Otbasy bank, Qazaqstan turǵyn úı kompanııasy qarjylandyratyn baspana qurylysy kezinde 1 sharshy metrdiń shekti quny retteletindigin asa aıtty.

— Sondyqtan da ahýal baqylaýda bolady dep oılaımyn. Naryqtyq úılerge, bıznes, elıtaly nemese lıýks sanattaǵy baspanalarǵa keler bolsaq, onda ony naryqtyń ózi retteıtin sııaqty. ıAǵnı, ondaı baǵaǵa suranys bolyp tursa, onda qurylys kompanııasy sata beredi. Eger suranys bolmasa, onda bizdiń qurylys kompanııalarymyz osy jyldardyń ishinde marketıngti úırenip, sata alady, túrli shemalardy usyna alady dep oılaımyn. Satýshy men satyp alýshy bir-birin tabar. Bul oraıda barlyǵy da halyqtyń belgili bir sanatynyń satyp alý qabiletine baılanysty, — dedi ol.

Eske salsaq, Memleket basshysy turǵyn úı saıasatyn reformalaýǵa qatysty zańǵa qol qoıdy.Sondaı-aq jyl basynda  baspana baǵasy 10-15 paıyzǵa qymbattaýy múmkin ekeni aıtylǵan bolatyn.