Nurlan Áýesbaev Qazaqstan prezıdenttigine kandıdat retinde talaptarǵa saı - OSK

ASTANA. QazAqparat - Ortalyq saılaý komıssııasy Qazaqstan prezıdenttigine kandıdat Nurlan Áýesbaevtyń sáıkestigin belgileý týraly qaýly qabyldady, dep habarlaıdy QazAqparat tilshisi.

Kún tártibindegi másele boıynsha Ortsaılaýkom múshesi Sábıla Mustafına baıandama jasady.

Quzyretti memlekettik organdardan kelgen málimetterge saı N.Áýesbaevqa qatysty QR prezıdentin kezekten tys saılaýda kandıdat retinde tirkelýge kedergiler joq ekeni anyqtaldy.

Іshki ister mınıstrligi málimetinshe, ol týmysynan Qazaqstan Respýblıkasynyń azamaty, elimizde sońǵy 65 jyl boıy turady.

Onyń joǵary bilimi bar, sondaı-aq memlekettik qyzmettegi jumys tájirıbesi 10 jyl 8 aıdy qurap otyr.

Osy oraıda Ortalyq saılaý komıssııasy saılaýda úmitker retinde usynylǵan N. Áýesbaevtyń talaptarǵa sáıkes keletinin bekitti.

Aıta keteıik, Jalpyulttyq sotsıal-demokratııalyq partııasynan prezıdenttikke kandıdat Nurlan Áýesbaev Ortalyq saılaý komıssııasyna qujattaryn ótkizgen edi.

Budan buryn habarlanǵandaı, Prezıdent saılaýyna úmitker Nurlan Áýesbaev memlekettik tildi bilýi boıynsha emtıhan tapsyrdy.