Nurlan Áýesbaev Astanadaǵy jataqhana turǵyndarymen kezdesti

ASTANA. QazAqparat - Jalpyulttyq sotsıal-demokratııalyq partııasy (JSDP) atynan prezıdenttikke kandıdat Nurlan Áýesbaev Astanadaǵy jataqhanaǵa baryp, ondaǵy turǵyndarmen kezdesti. Bul týraly JSDP áleýmettik jelidegi paraqshasynda jazdy, dep habarlaıdy QazAqparat.

Jataqhana Kazahskaıa jáne Dúkenuly kósheleri qıylysynda ornalasqan. Kandıdattyń aıtýynsha, úıdiń jaǵdaıy kóńil kónshitpeıdi.

Buǵan deıin Nurlan Áýesbaev Oral qalasynda Batys Qazaqstan oblystyq saılaýaldy shtabyna barǵanyn jazǵan bolatynbyz. Sondaı-aq «Jalpyulttyq sotsıal-demokratııalyq partııasy» respýblıkalyq qoǵamdyq birlestiginen prezıdenttikke kandıdat úgit-nasıhat jumystarymen Qaraǵandy, Aqtóbe, Aqmola oblystarynda, Shymkent, Almaty, Astana qalalarynda kezdesýler ótkizgenin habarlaǵan edik.

Jalpy úmitkerdiń saılaýaldy baǵdarlamasyn nasıhattaý, halyqqa túsindirý maqsatynda respýblıka boıynsha 21 shtab jumys istep tur.

Esterińizge sala keteıik, saılaý aldyndaǵy úgit-nasıhat 2022 jylǵy 21 qazanda bastaldy jáne saılaýdan bir kún buryn, ıaǵnı 19 qarashada aıaqtalady. 19 qarasha – respýblıka boıynsha tynyshtyq kúni. Al 20 qarashada prezıdent saılaýy ótedi.