Nurlan Áýesbaev Astanada saılaýshylarmen kezdesti

ASTANA. QazAqparat – Jalpyulttyq sotsıal-demokratııalyq partııasy (JSDP) atynan prezıdenttikke kandıdat Nurlan Áýesbaev Astanadaǵy «Jumbaqtas» qonaqúıiniń konferents-zalynda saılaýshylarmen kezdesip, suraqtarǵa jaýap berdi. Bul týraly JSDP áleýmettik jelidegi paraqshasynda jazdy, dep habarlaıdy QazAqparat.

Іs-shara barysynda kandıdat óziniń saılaýaldy baǵdarlamasynyń basym baǵyttaryna toqtaldy.
Buǵan deıin Nurlan Áýesbaev Mańǵystaý oblysy Jańaózen qalasynda kezdesý ótkizgenin jazǵan bolatynbyz. Sondaı-aq «Jalpyulttyq sotsıal-demokratııalyq partııasy» respýblıkalyq qoǵamdyq birlestiginen prezıdenttikke kandıdat úgit-nasıhat jumystarymen Qaraǵandy, Aqtóbe, Aqmola, Batys Qazaqstan oblystarynda, Shymkent, Almaty, Astana qalalarynda kezdesýler ótkizgenin habarlaǵan edik.
Jalpy úmitkerdiń saılaýaldy baǵdarlamasyn nasıhattaý, halyqqa túsindirý maqsatynda respýblıka boıynsha 21 shtab jumys istep tur.
Esterińizge sala keteıik, saılaý aldyndaǵy úgit-nasıhat 2022 jylǵy 21 qazanda bastaldy jáne saılaýdan bir kún buryn, ıaǵnı 19 qarashada aıaqtalady. 19 qarasha – respýblıka boıynsha tynyshtyq kúni. Al 20 qarashada prezıdent saılaýy ótedi.