Nurlan Ábdirov mańǵystaýlyqtarmen kezdesti

AQTAÝ. QazAqparat - Mańǵystaýda Ortalyq saılaý komıssııasynyń tóraǵasy Nurlan Ábdirov saıası partııalardyń, ÚEU, BAQ ókilderimen, qoǵamdyq pikir kóshbasshylarymen, blogerlermen, osy oblystaǵy saılaý komıssııalarynyń múshelerimen kezdesý ótkizdi. Іs-sharaǵa 260 adam qatysty, dep habarlaıdy QazAqparat.

Kezdesý barysynda Prezıdenttiń Qazaqstan halqyna Joldaýyndaǵy saılaý protsesin jańǵyrtý jónindegi bastamasy keńinen talqylandy. Qatysýshylar majorıtarlyq jáne proportsıonaldy saılaý júıelerin engizý, elektrondyq daýys berý, saılaýshylardyń biryńǵaı elektrondyq tizimin qalyptastyrý máselelerine erekshe nazar aýdardy.

Budan basqa, saılaý protsesiniń ashyqtyǵy men jarııalylyǵyn, onyń ishinde aýmaqtyq jáne ýchaskelik saılaý komıssııalarynyń qyzmetin qamtamasyz etý, ulttyq baıqaýshylardyń mártebesin, olardyń quqyqtary men ókilettikterin arttyrý, saılaý ýchaskelerin beınebaqylaý kameralarymen jaraqtandyrý qajettigi týraly máseleler qozǵaldy.

Jurtshylyq ókilderi oblystyń munaı ken oryndarynda vahtalyq ádispen jumys isteıtin saılaýshylarǵa daýys berý úshin ońtaıly jaǵdaı jasaý, múgedektigi bar saılaýshylardyń qajettilikterin eskere otyryp, saılaý ýchaskeleriniń ınfraqurylymyn jetildirý, olardyń fızıkalyq qoljetimdiligin jáne tıisti jaraqtandyrýdy qamtamasyz etý jónindegi usynystardy alǵa tartty.

Sondaı-aq kezdesýge qatysýshylar jastardyń quqyqtyq saýattylyǵy men saılaý mádenıetin arttyrý qajettigin atap ótti.

«Óńirlerde ótip otyrǵan kezdesýlerde men jastardyń saılaý protsesine degen qyzyǵýshylyǵyn baıqap kelemin. Olar ózderiniń kreatıvti ıdeıalaryn alǵa tartyp keledi. Endigi bizdiń mindetimiz – jastarǵa qoldaý kórsetý, oqytý jáne durys baǵyt-baǵdar berý»,- dedi OSK tóraǵasy.

Budan basqa, jurtshylyq ókilderi Qazaqstan Respýblıkasynyń Konstıtýtsııasyna jáne saılaý zańnamasyna engiziletin barlyq jańa túzetýlerdi qabyldaý aldynda olardy halyqpen talqylaý qajet jáne mundaı talqylaýdy júrgizý mańyzdy dep atady. Sondaı-aq, osy ispetti talqylaý jáne túsindirý jumystary birinshi kezekte memlekettik tilde júrgizilýi tıis degen óz oılaryn bildirdi.

Kezdesý qorytyndysy boıynsha qoǵam ókilderi Ortsaılaýkom basshylyǵyna saılaý protsesine qatysýshylarǵa óz pikirlerin alǵa tartyp, saılaý protsesin jetildirý jóninde birqatar naqty usynystardy kóterýge múmkindik týǵyzyp otyrǵan osyndaı kezdesý úshin óz alǵystaryn bildirdi.