Nurqoja Qaıpanov erkin kúresten reıtıngtik týrnırde kúmis medal aldy

ASTANA. QazAqparat - Vengrııa astanasy Býdapesht qalasynda ótip jatqan kúres túrlerinen reıtıngtik týrnırde erkin kúresten Nurqoja Qaıpanov (74 keli) kúmis medal aldy, dep habarlaıdy QazAqparat tilshisi.

Jarys barysynda Nurqoja Qaıpanov fınalda vengrııalyq Mýrad Kýramagomedovpen sheberlik baıqasty. Kezdesý barysynda ol qarsylasyna ese jiberip, kúmis júldeni qanaǵat tutty.

«Jylyna tórt reıtıngilik týrnır bekitilgen. Qazirge deıin mundaı jarystar Horvatııa, Egıpet, Qyrǵyzstanda ótkizildi. Endi tórtinshisi Vengrııada jalaýyn kóterdi. Balýandar reıtıngilik týrnırlerde upaı jınaıdy. Nátıjesinde qyrkúıek aıynda Serbııada bolatyn álem chempıonatynda kóp upaı jınaǵan balýandar jartylaı fınal nemese fınalǵa deıin bir-birimen kezdespeıdi», - dedi Qazaqstan Kúres federatsııasy baspasóz qyzmetiniń jetekshisi Aspandııar Esenjolov.

Conymen qatar el quramasynan reıtıngtik týrnırde Rızabek Aıtmuhan (92 keli) men Álisher Erǵalı (97 keli) qola júlde aldy.

Týrnır 13-17 shilde aralyǵynda ótedi.

Eske salsaq, budan buryn kúres túrlerinen reıtıngilik týrnırde qazaqstandyq balýandar synǵa túsetinin habarlaǵan edik.