Nurqoja Qaıpanov - Azııa chempıonatynyń kúmis júldegeri

NUR-SULTAN. QazAqparat - Ulan-Batyrdaǵy erkin kúresten Azııa chempıonatynda qazaqstandyq Nurqoja Qaıpanov kúmis júldeger atandy, dep habarlaıdy QazAqparat tilshisi.

Ol osyǵan deıin eki márte Azııa chempıony, álem birinshiliginiń kúmis júldegeri atanǵan edi.

Bul joly 74 kelige deıingi salmaqta Nurqoja ırandyq Iones Alıakbar Emamıchogaeımen beldesti. Qarsylastar budan buryn ózara bir ret kúresip, onda Qaıpanov utqan edi. Búgin jeńis ırandyq balýannyń enshisinde ketti - 2:5. N. Qaıpanov kúmis medaldi qanaǵat tutty.

Taǵy bir qazaqstandyq Akbar Qurbanov 61 kelige deıingi salmaqta qola júldege ıe boldy. Ol bahreındik Álibek Álibegovten tartysty básekede 5:4 esebimen aılasyn asyrdy.

Búgin taǵy eki qazaqstandyq fınalda kúresedi.

Eske sala keteıik, budan buryn erkin kúres sheberleriniń Azııa chempıonatynda 3 medal alǵanyn jazǵan bolatynbyz.

Sondaı-aq, úsh qazaqstandyq erkin kúresten Azııa chempıonatynyń fınalyna shyqty.