ORAL. KAZINFORM — Memlekettik qyzmet isteri agenttiginiń kelisimi boıynsha oblys ákiminiń ókimimen merıtokratııa qaǵıdatyna sáıkes Nurken Ediluly Moldashev BQO qurylys basqarmasynyń basshysy laýazymyna taǵaıyndaldy.
BQO ákiminiń baspasóz qyzmetinen málim etkenindeı, Nurken Moldashev 1990 jyly Batys Qazaqstan oblysynyń Syrym aýdanynda dúnıege kelgen.
Bilimi joǵary. Jáńgir han atyndaǵy Batys Qazaqstan agrarlyq-tehnıkalyq ýnıversıtetin mashına jasaý jáne qurylys mamandyǵy boıynsha támamdaǵan.
Ár jyldary Oral qalasyndaǵy «BatysKonstrakshn» JShS, «KKB» JShS, «Álim» JShS, «Ýralskstroımontaj» JShS qurylys kompanııalarynda jumys istedi.
Sondaı-aq BQO qurylys basqarmasy óndiristik-tehnıkalyq bóliminiń bas mamany, osy basqarmanyń óndiristik-tehnıkalyq bóliminiń basshysy laýazymdarynda qyzmet etken.
Taǵaıyndaýǵa deıin BQO qurylys basqarmasy basshysynyń orynbasary qyzmetinde boldy.
Eske sala keteıik, budan buryn Álibek Antazıevtiń BQO memlekettik sáýlet-qurylys baqylaý basqarmasynyń basshysy bolǵanyn jazǵan edik.
Aıta keteıik, saıasat, ekonomıka, bıznes, ǵylym, mádenıet sekildi túrli salada el damýyna eleýli úles qosqan tanymal qazaqstandyqtardyń ómirbaıany men qyzyqty málimetterdi myna jerden oqı alasyz.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).