Nurqanat Serikbaev áskerıler arasynda álem chempıony atandy

<p>ASTANA. KAZINFORM - Dzıýdodan áskerıler arasynda ótip jatqan álem chempıonatynda jerlesterimiz birneshe júlde jeńip aldy.</p>

Sportty damytý dırektsııasy habarlaǵandaı, 29 memleketten 214 sportshy qatysyp jatqan jarystyń alǵashqy kúninde jerlesterimiz 1 altyn, 1 kúmis, 2 qola jeńip aldy.

Qazaqstandyq fınal: 60 kelide Nurqanat Serikbaev fınaldyq beldesýde ózge otandasymyz Sherzod Davlatovty qosymsha ýaqytta jeńip ketti. Sherzod Davlatov kúmis júldeni qorjynǵa saldy.

66 kelide Janarys Rahmetqalı Soltústik Koreıa ókili Rı Kým Songtan aılasyn asyrdy. Al, 73 kelide Baqytjan Abdýrahmanov Armenııa sportshysy Artak Torosıannan basym tústi.

Tashkentte 13 qazaqstandyq áskerı el namysyn qorǵap jatqanyn jazǵan bolatynbyz.