Nurqanat Raıys bokstan álem chempıonatynyń shırek fınalyna joldama aldy

TAShKENT. QazAqparat - Tashkent qalasynda erler arasynda ótip jatqan bokstan álem chempıonatynda Nurqanat Raıys shırek fınalǵa joldama aldy, dep habarlaıdy QazAqparat tilshisi.

Qazaqstandyq boksshy 75 kelige deıingi salmaqta 1/8 fınalda domınıkandyq Delgado de los Santospen sheberlik baıqasty.

Nurqanat Raıys birinshi raýndta nokdaýn alǵanyna qaramastan, tóreshilerdiń biraýyzdan sheshimimen jeńiske jetti.

Osylaısha, Nurqanat alǵashqy jekpe-jegin sátti ótkizdi.

Eske sala keteıik, budan buryn Sáken Bıbosynovtyń bokstan álem chempıonatynda jeńilip qalǵanyn jazǵan bolatynbyz.

Sondaı-aq Serik Temirjanov shırek fınalǵa shyqty.

Qazaqstan boks federatsııasy Sáken Bıbosynovtyń jekpe-jegine qatysty shaǵym joldady.