ASTANA. KAZINFORM – Sıngapýrde ótip jatqan para júzýden álem chempıonatynda qazaqstandyq Nurdáýlet Jumaǵalı brass ádisimen júzýde 100 metr qashyqtyqty 1:06.64 sekýndta júzip ótip, kúmis júldeni ıelendi.
Sport jáne dene shynyqtyrý isteri komıetiniń habarlaýynsha, birinshi oryn beıtarap el atynan qatysqan sportshy Tımofeı Gýkqa buıyrsa, úshin oryndy ýkraındyq Fedına Alekseı enshiledi.
Aıta ketsek, bul – Nurdaýlet Jumaǵalıdiń álem chempıonatyndaǵy úshinshi kúmis júldesi. Buǵan deıin ol 2022 jyly Medeırada jáne 2023 jyly Manchesterde alǵan edi.
Dúbirli dodada elimizdiń atynan 7 sportshy baq synap jatyr. 21-27 qyrkúıek aralyǵynda ótetin sporttyq básekege 75 memleketten 600-ge jýyq sportshy keldi.
Aıta ketsek, Nurdáýlet Jumaǵalı 1999 jyly dúnıege kelgen. 2020 jyly Tokıo Olımpıadasynda 100 metrge brass ádisimen júzýde qola alsa, 2024 jyly Parıjdegi saıysta Olımpıadanyń kúmis júldesin ıelendi.
Ádiljan Úmbet
1996 jyly Ál-Farabı atyndaǵy Qazaq memlekettik ulttyq ýnıversıtetiniń jýrnalıstıka fakýltetin támamdaǵan. Eńbek jolyn 1996 jyly Almaty qalalyq «Almaty aqshamy» gazetinde bastady. Odan keıin jyldarda Qorqyt ata atyndaǵy Qyzylorda memlekettik ýnıversıtetinde, «Aqmeshit aqshamy», «Syr boıy» gazetterinde qyzmet atqaryp keledi.
2015-2020 jyldarda «Aqmeshit aptalyǵy» gazetiniń bas redaktory boldy.
Negizgi qyzmetimen qosyp 2006-2014 jyldarda respýblıkalyq «Jas Qazaq», «Alash aınasy» gazetteriniń Qyzylorda oblysyndaǵy menshikti tilshisi bolyp eńbek etti.
2018 jyldan beri «Kazinform» aqparat agenttiginde Qyzylorda oblysyndaǵy menshikti tilshi.