Nurdáýlet Jarylǵapov «Qazaqstan barysynyń» fınalyna shyqty

ASTANA. QazAqparat – Elordadaǵy «Barys Arena» sport kesheninde ótip jatqan «Qazaqstan barysy-2023» respýblıkalyq týrnıriniń fınalyna shyqty, dep habarlaıdy QazAqparat tilshisi.

Jartylaı fınaldyń alǵashqy beldesýinde Pavlodar barysy Muhtar Dálelhanuly men Mańǵystaý barysy Nurdáýlet Jarylǵapov kilemge shyqqan.

Bastan-aıaq ańdysýmen ótken saıysta Nurdáýlet Jarylǵapov aqtyq beldesýge ótti.

Eske salaıyq, bıyl «Qazaqstan barysy» jyldaǵyǵa qaraǵanda ózgeshe ótip jatyr.

Jańa oblystardyń ashylýyna baılanysty jarysqa qatysýshylardyń sany artqan. Naqtyraq aıtsaq, 41 palýan baq synap jatyr.

Onyń ishinde 33 palýan oblystardan, 2 sportshy «Ásker barysynan» jáne 3 qaladan taǵy 6 sportshy qatysýǵa múmkindik alǵan.

Uıymdastyrýshylardyń málimetinshe, týrnırdiń jalpy júlde qory – 40 mln teńge, onyń ishinde jarys jeńimpazyna 25 mln teńge syıaqy beriledi.