Nurdáýlet Súıindikov Bas prokýratýranyń Aktıvterdi qaıtarý jónindegi komıtetiniń tóraǵasy boldy

<p>Memleket basshysynyń ókimimen<strong> </strong><strong>Nurdáýlet Súıindikov</strong><strong> </strong>Qazaqstan Bas prokýratýrasynyń Aktıvterdi qaıtarý jónindegi komıtetiniń tóraǵasy laýazymyna taǵaıyndaldy, dep habarlaıdy <a href="https://kaz.inform.kz/" target="_blank" rel="noopener">Kazinform </a>Aqordanyń baspasóz qyzmetine silteme jasap.&nbsp;</p>

«Memleket basshysynyń ókimderimen Nurdáýlet Myqtybekuly Súıindikov Qazaqstan Respýblıkasy Bas prokýratýrasynyń Aktıvterdi qaıtarý jónindegi komıtetiniń tóraǵasy laýazymyna taǵaıyndaldy», - delingen qujatta.

Nurdáýlet Súıindikov eńbek jolyn 2000 jyly Shymkent qalasy prokýratýrasynyń quqyqtyq statıstıka jáne aqparat jónindegi mamany qyzmetinen bastady. Ońtústik Qazaqstan oblysy Arys aýdany prokýrorynyń aǵa kómekshisi, Shymkent qalasy prokýratýrasynyń bólim prokýrory, bólim bastyǵy qyzmetterin atqardy.

2005-2010 jyldary Bas prokýratýranyń Áleýmettik-ekonomıkalyq saladaǵy qadaǵalaý departamenti bólimniń aǵa prokýrory, bólim bastyǵy, basqarma bastyǵy, Departament basshysynyń orynbasary, Bas prokýrordyń erekshe tapsyrmalar boıynsha aǵa kómekshisi – Qazaqstan Respýblıkasy quqyq qorǵaý organdarynyń Úılestirý keńesiniń hatshysy laýazymdarynda jumys istedi.

Astana qalasynyń «Saryarqa» aýdanynyń prokýratýrasyn basqardy, Aqtóbe oblysy prokýrorynyń birinshi orynbasary boldy.

2018 jyldan bastap kommertsııalyq qurylymdarda basshylyq laýazymdarda, Qazaqstan Respýblıkasy Qorǵanys mınıstriniń keńesshisi bolyp jumys istedi.

2022 jyldyń maýsymynan bastap 2023 jylǵy qańtarǵa deıin Bas prokýratýranyń Strategııalyq damytý departamentiniń bastyǵy qyzmetin atqardy.

2023 jylǵy 16 qańtardan qazirge deıin Halyqaralyq-quqyqtyq yntymaqtastyq qyzmetiniń bastyǵy bolyp qyzmet etti.