Nurdáýlet Medeýov Túrkistan oblystyq týrızm basqarmasynyń basshysy laýazymyna taǵaıyndaldy

<p>TÚRKІSTAN. KAZINFORM- Túrkistan oblysynyń ákimi Darhan Satybaldynyń ókimimen Nurdáýlet Medeýov Túrkistan oblystyq týrızm basqarmasynyń basshysy bolyp taǵaıyndaldy.</p>

Medeýov Nurdáýlet Danabaıuly 1988 jyly 21 qyrkúıekte Túrkistan oblysy, Qazyǵurt aýdanynda dúnıege kelgen. Astana qalasy L.N.Gýmılev atyndaǵy Eýrazııa Ulttyq ýnıversıtetinde «Týrızm» jáne Shymkent qalasy Shymkent ýnıversıtetinde «Ekonomıka» mamandyǵy boıynsha bilim alǵan.

Túrkııa Respýblıkasy, Antalııa qalasyndaǵy Aqteńiz ýnıversıteti «Týrızm jáne qonaq úı bıznesiniń» magıstri. «Týrızm salasynyń úzdigi» tósbelgisi jáne «Úzdik óńirlik bıznes-trener» nomınatsııalarymen marapattalǵan.

Eńbek jolynda «Ońtústik Qazaqstan oblysy týrızmdi damytý assotsıatsııasy» qoǵamdyq birlestiginiń dırektor mindetin atqarýshy, Astana qalasynyń bilim basqarmasy «Jas saıahatshylar stantsııasy» memlekettik mekemesiniń týrızm nusqaýshysy, 2017 jyly Astana qalasynyń bilim basqarmasy «Balalar men jasóspirimderdiń týrızm jáne ólketaný ortalyǵy» MKQK-niń týrızm nusqaýshysy bolyp qyzmet etti.

Sondaı-aq, Túrkistan oblysy týrızm jáne syrtqy baılanystar basqarmasynyń «Turkistan Tourism Center» týrıstik aqparattyq ortalyǵy» KMM-niń basshy orynbasary, Týrızm basqarmasy Týrızmdi damytý bóliminiń bas mamany, Týrıstik jobalardy josparlaý jáne júzege asyrý bóliminiń basshysy, Týrızmdi damytý jáne týrıstik jobalardy iske asyrý bóliminiń basshysy bolyp eńbek etti. Jyl basynan búgingi kúngn deıin, Túrkistan oblysynyń mádenıet jáne týrızm basqarmasy jáne mádenıet basqarmasy basshysynyń orynbasary laýazymyn atqardy.