Nurbol Turashbekov Túrkistan oblysy ákiminiń orynbasary bolyp taǵaıyndaldy
Apparat májilisinde Túrkistan oblysynyń ákimi Darhan Satybaldy jańa orynbasardy tanystyryp, Túrkistan oblysyn damytý baǵytynda mańyzdy mindetter júktelip otyrǵanyn aıtty. Aldaǵy jumysyna sáttilik tiledi.
Nurbol Ábdisattaruly Turashbekov 1980 jyly Tólebı aýdanynda týǵan. 2000 jyly M.Áýezov atyndaǵy Ońtústik Qazaqstan memlekettik ýnıversıtetin, 2005 jyly M.Dýlatı atyndaǵy Taraz memlekettik ýnıversıtetin bitirgen. Mamandyǵy ınjener-ekonomıst.
Eńbek jolyn 2001 jyly Ordabasy aýdanynda jer kadastr bıýrosynan bastady. 2002 jyly Ordabasy aýdandyq jer-kadastrlyq bıýrosynyń meńgerýshisi, 2009 jyly Saıram jer-kadastrlyq bıýrosynyń dırektory, 2010 jyly «Ońtústik Qazaqstan jerge ornalastyrý ǵylymı-óńdiristik ortalyǵy» enshiles memlekettik kásipornynyń dırektory, 2012 jyly (Astana qalasy) «Jerge ornalastyrý ǵylymı-óńdiristik ortalyǵy» respýblıkalyq memlekettik kásiporny bas dırektorynyń birinshi orynbasary qyzmetterin atqardy. 2016 jyldyń sáýir aıynan bastap «Azamattarǵa arnalǵan úkimet» memlekettik korporatsııasynyń «Jer kadastry ǵylymı-óndiristik ortalyǵy» dırektsııasy dırektorynyń orynbasary, «Jer kadastry jáne jyljymaıtyn múlikti tehnıkalyq tekserý» dırektsııasy Memlekettik jer kadastry basqarmasynyń basshysy laýazymynda eńbek etti.
Birneshe jaýapty qyzmetterde jumys istegen Nurbol Turashbekov 2017-2020 jyldar aralyǵynda Túlkibas aýdanynyń ákimi, 2020 - 2021 jyldary Ordabasy aýdanynyń ákimi boldy. 2021 jyldyń maýsym aıynan beri Túrkistan qalasynyń ákimi laýazymyn atqaryp keldi.
Nurbol Turashbekov oblys ákiminiń orynbasary retinde aýyl sharýashylyǵy, jer qatynastary, veterınarııa, tabıǵı resýrstar jáne tabıǵat paıdalanýdy retteý salalaryna jetekshilik etedi.
Aıta keteıik, budan buryn Túrkistan qalasynyń Túrkistan qalasynyń ákimi bolyp Ázimbek Pazylbekuly taǵaıyndalǵanyn jazǵan bolatynbyz.