Nurbek Qabdikárimov ShQO boıynsha QAJ departamentiniń bastyǵy bolyp taǵaıyndaldy

<p>ÓSKEMEN. KAZINFORM &ndash;&nbsp; Shyǵys Qazaqstan oblysy boıynsha Qylmystyq-atqarý júıesi departamentiniń bastyǵy bolyp Nurbek Qabdikárimov taǵaıyndaldy.</p>

Qazaqstan Іshki ister mınıstriniń buıryǵymen ShQO boıynsha QAJ departamentiniń bastyǵy laýazymyna ádilet polkovnıgi Nurbek Qabdikárimov taǵaıyndaldy.

«Nurbek Tóleýbekuly 1982 jyly 21 qańtarda Shyǵys Qazaqstan oblysy Tarbaǵataı aýdany Aqjar aýylynda dúnıege kelgen. Quqyq qorǵaý organdarynda 2000 jyldan beri qyzmet etip keledi. Ol buǵan deıin Shyǵys Qazaqstan oblysy boıynsha QAJ departamenti bastyǵynyń orynbasary qyzmetin atqarǵan», - dep habarlady mınıstrliktiń baspasóz qyzmetinen.

Vedomstvo dereginshe, Nurbek Qabdikárimov ár jyldary Shyǵys Qazaqstan, Qostanaı, Aqtóbe oblystary men Astana qalasynyń qylmystyq-atqarý júıesinde túrli basshylyq qyzmetterdi atqarǵan.

Al basqarmanyń burynǵy bastyǵy, ádilet polkovnıgi Janbolat Káletaev zeınetkerlikke shyqty.

Eske salsaq, osyǵan deıin Túrkistan oblysynyń Tólebı aýdanyna jańa ákim taǵaıyndalǵany habarlanǵan.