Nurbek Badyraqov Túrkistan oblysynyń Aýyl sharýashylyǵy basqarmasyna basshy boldy

<p>Túrkistan oblysynyń ákimi Darhan Satybaldynyń ókimimen Túrkistan oblysy Aýyl sharýashylyǵy basqarmasynyń basshysy bolyp Nurbek Badyraqov taǵaıyndaldy, dep habarlaıdy Kazinform.&nbsp;</p>

Basqarma basshysyn ujymǵa Túrkistan oblysy ákiminiń orynbasary Ermek Kenjehanuly tanystyryp, aldaǵy maqsat-mindetterin aıqyndap berdi.

Nurbek Baqtybaıuly 1988 jyly 11 maýsymda Ońtústik Qazaqstan oblysynda dúnıege kelgen. Bilimi joǵary. M.Áýezov atyndaǵy Ońtústik Qazaqstan memlekettik ýnıversıtetin bitirgen. Sondaı-aq M.H.Dýlatı atyndaǵy Taraz memlekettik ýnıversıteti men Qazaqstan halyqtar dostyǵy ýnıversıtetiniń túlegi.

Mamandyǵy – sý resýrstary jáne sýdy paıdalaný, quqyqtaný.

Nurbek Baqtybaıuly eńbek jolyn 2009 jyly Ońtústik Qazaqstan oblysy Aýyl sharýashylyǵy basqarmasynda statıst bolyp bastady.

2010 jyly Ońtústik Qazaqstan oblysy Aýyl sharýashylyǵy basqarmasynyń aýyl sharýashylyq ónimderin qaıta óńdeý jáne jańa tehnologııalardy engizý bóliminiń jetekshi mamany, 2012 jyly Ońtústik Qazaqstan oblysy aýyl sharýashylyǵy basqarmasynyń egin jáne sý sharýashylyǵy bóliminiń basshysy, 2013-2015 jyldar aralyǵynda Ońtústik Qazaqstan oblysy Aýyl sharýashylyǵy basqarmasy basshysynyń orynbasary qyzmetin atqardy.

2016-2017 jyldar aralyǵynda «QazAgro» ulttyq basqarýshy holdıngi» AQ ETU qyzmetin taldaý jáne damytý departamentinde bas menedjer, QR Parlamenti Májilisinde depýtat kómekshisi, Qazaqstan Aýyl sharýashylyǵy mınıstrliginiń agroónerkásiptik keshendegi memlekettik ınspektsııa komıtetiniń Ońtústik Qazaqstan oblystyq aýmaqtyq ınspektsııasynyń basshysy, Shymkent qalasy ákimi apparatynyń basshysy boldy.

2018-2022 jyldyń shildesine deıin Túrkistan oblysy Aýyl sharýashylyǵy basqarmasynyń basshysy bolyp eńbek etti.

2022-2023 jyldar aralyǵynda Ordabasy aýdanynyń ákimi laýazymyn atqardy.