Nuraly Áliptiń jeńisti goly «Zenıtke» Reseı kýbogyn syılady

<p>ASTANA. KAZINFORM &mdash; Fýtboldan Qazaqstan quramasynyń qorǵaýshysy Nuraly Áliptiń soqqan goly &laquo;Zenıt&raquo; klýbyna Reseı kýbogynda jeńis alyp keldi. Komanda bıyl sol eldiń chempıondyq ataǵyn jeńip alýmen birge kýbokqa da qol jetkizdi.</p>

Reseı kýbogynda «Zenıt» Kalınıngrad qalasynyń «Baltıka» ujymymen kezdesti. Matchta Sankt-Peterbýrg qalasynyń ujymy qarsylasynan 2:1 esebimen basym tústi.

Kezdesý barysynda «Zenıt» jeńilip jatqan edi. Alaıda 81-mınýtta «Zenıt» sapynan Nıno esepti teńestirse, 95-mınýtta Nuraly Álip oıynnyń núktesin qoıdy.

Komandada birge oınaıtyn áriptesi Andreı Mostovoıdyń áýelete bergen pasyn qazaqstandyq fýtbolshy baspen qaqpaǵa toǵytty. Bul — mańyzdy matchtaǵy jeńis goly edi. 

Qazaqstandyq fýtbol túlegi komanda quramynda alǵashqy mınýttan jasyl alańǵa shyqty. 

Aıta ketsek, Reseı federatsııasy kýbogy Sankt-Peterbýrg komandasy úshin atalǵan jarystaǵy besinshi trofeıi.

Sondaı-aq bıyl Nuraly Álip «Zenıt» komandasymen birge úshinshi márte Reseı chempıony ataǵyna qol jetkizdi.

Oǵan qosa olar Reseı sýperkýbogyn aldy. 

Osylaısha «Zenıt» óz tarıhynda alǵash ret úsh úsh týrnırde jeńimpaz atanyp, trebl jasady.