Nura toptyq sý qubyrynyń 36,6 shaqyrym bóligi rekonstrýktsııalandy

<p>ASTANA. KAZINFORM - Aqmola oblysynda Nura toptyq sý qubyrynyń 36,6 shaqyrym ýchaskesin rekonstrýktsııalaý jumystary aıaqtaldy, dep habarlaıdy QR Sý resýrstary jáne ırrıgatsııa mınıstrliginiń baspasóz qyzmeti.&nbsp;</p>

Aqmola oblysynda Nura toptyq sý qubyry qaıta jańartylýda. Búgingi tańda Egindikól aýdanynyń «Uzynkól» sorǵy stantsııasyna deıin uzyndyǵy 36,6 shaqyrym ýchaskede qubyr tóseý jumystary aıaqtaldy. 

Osynyń nátıjesinde bas qurylystardan Uzynkól aýylyna deıingi ýchaskede jańa sý qubyry arqyly sý berile bastady.

«Qazaqstandyqtardy aýyz sýmen qamtamasyz etý – mınıstrliktiń basty mindetteriniń biri. Bıyl 1,4 mln turǵyny bar 437 eldi mekende aýyz sýmen jabdyqtaý sapasyn jaqsartý úshin toptyq sý qubyrlaryn salý jáne rekonstrýktsııalaý boıynsha 30 joba iske asyrylyp jatyr, - dedi Sý resýrstary jáne ırrıgatsııa vıtse-mınıstri Erbolat Ibraıhanov.