Nura sý qubyry 2025 jylǵa deıin kezeń-kezeńmen qaıta jańǵyrtylady
Mınıstrdiń aıtýynsha, búgingi tańda Kókshetaý jáne Stepnogor qalalarynda káriz-tazartý stantsııalarynyń 90 paıyzy tozǵan, kúrdeli jóndeýdi nemese tolyq aýystyrýdy qajet etedi. Bıologııalyq tazartý nysandary Tselınograd aýdanynyń Qosshy jáne Aqmol kentterinde jáne Şýchınsk qalasynda ǵana iske qosylǵan.
«Oblys ákimdigi tarapynan belgili bir jumystar júrgizilýde. 2020 jyly Derjavınsk qalasynda káriz-tazartý stantsııa qaıta quryldy. Býrabaı aýdanynda jańa káriz-tazartý stantsııasynyń qurylysy júrgizilýde. Ótken jyly Aqmola oblysynda aýyz sýmen qamtý boıynsha eki nysannyń qurylysy aıaqtaldy. Makınsk toptyq sý qubyry paıdalanýǵa berildi. Sony arqasynda 18 myń halqy bar qalany sýmen jabdyqtaý jaqsardy. Sondaı-aq, uzyndyǵy 16 km Nura toptyq sý qubyrynyń 9 apatty ýchaskesin rekonstrýktsııalaý aıaqtaldy. 2025 jylǵa deıin tozyǵy jetken Nura toptyq sý qubyryn kezeń - kezeńmen qaıta jańǵyrtý josparlanyp otyr», - dedi Kókshetaýda jýrnalıstermen ótken brıfıngide QR ekologııa, geologııa jáne tabıǵı resýrstar mınıstri S.Brekeshev.
Aıta ketsek, Birjan sal aýdanynda PHD-qaldyqtardy qaıta óńdeý zaýytyn salý josparlanyp otyr.