Nura aýdanynda mal aýrýyna baılanysty shekteý engiziledi - AShM

ASTANA. QazAqparat - Qaraǵandy oblysynyń Nura aýdanynda pasterellez aýrýyna baılanysty Kárim Myńbaev pen Zarechnyı eldi mekenderinde shekteý engiziledi, dep xabarlaıdy QazAqparat tilshisi.

QR Aýyl sharýashylyǵy mınıstrligine qarasty veterınarlyq baqylaý komıteti basshysynyń orynbasary Tursyn Qabyldanovtyń aıtýynsha, atalǵan eldi mekenderde 43 iri qara maldyń aýrýǵa shaldyqqany anyqtaldy. Onyń 21-i ólgen. «Bastapqy dıagnozǵa sáıkes, mal pasterellez aýrýyna shaldyqqan. Qazirgi kezde synamalar alynyp, eki birdeı zertxanaǵa jiberildi. Jergilikti jerde dezınfektsııalyq sharalar atqaralyp jatyr. Dıagnoz rastalsa, oǵan qarsy vaktsınamyz bar. Negizi, Nura aýdanyndaǵy eki eldi mekende pasterellez alǵash ret anyqtalyp otyr»,- dedi Tursyn Qabyldanov.

Onyń aıtýynsha, jergilikti atqarýshy organdardyń sheshimimen atalǵan eldi mekenderde shekteý engiziledi.