«Nur Joly» ótkizý beketindegi shý neden shyqty?

<p>Keshe &laquo;Atameken&raquo; ulttyq kásipkerler palatasy basshysynyń orynbasary Tımýr Járkenov málimdeme jasap, birneshe kúnnen beri Qazaqstan &mdash; Qytaı shekarasynda ondaǵan júk kólikteriniń qańtalyryp turǵanyn aıtqan bolatyn. Máselege oraı <a href="Kazinform." target="_blank" rel="noopener">Kazinform</a> tilshisi Jetisý oblysy, Panfılov aýdanynyń ákimdigi men Memlekettik kirister departamentine habarlasty.&nbsp;</p>

Málim bolǵandaı, qazir Jetisý oblysynyń Panfılov aýdany aýmaǵynda ornalasqan «Nur Joly» ótkizý beketinde júk kólikteriniń keptelisi joq. 

— Shekara ashyq, ótkizý pýnktteriniń jumysy qalypty rejımde. Keıbir talaptar boıynsha shekteý engizilgen taýar túrlerin tekserý úshin qosymsha ýaqyt bólinip, kásipkerlerge eskertiletin jaǵdaılar bolýy múmkin. Mundaı jaǵdaıda Memlekettik kiris komıteti túsinik beredi. Ol aýdannyń quziretine kirmeıdi. Kómek suraǵan kólik júrgizýshilerine ystyq tamaq, jatyn oryn uıymdastyryp berýge aýdan bıligi daıyn, - deıdi Panfılov aýdanynyń ákimdiginiń resmı ókili Nurbol Qanaǵat.

Al Memlekettik kirister komıteti taratqan resmı málimdemede qazirgi sátte «Nur Joly» keden beketinde avtokólikterdiń kezek kútip turmaǵany aıtylǵan. Ótken mereke kúnderinde, ıaǵnı, 15-18 jeltoqsan aralyǵynda, shekara ýaqytsha jabylǵan bolatyn. Kásipkerlermen aradaǵy daý osydan keıin bastalǵan bolýy múmkin eken.

— Qazirgi sátte ótkizý pýnktteri táýlik boıyna jumys isteýge kóshirildi. Bul Jańa jyl aldynda taýar tasymalyn arttyrý úshin jasaldy. Aldaǵy kúnderi de shekara ýaqytsha jabylatynyn kásipkerler nazaryna jetkizip, túsinistik tanytýlaryn suraımyz, - delingen elimizdiń Memlekettik kirister komıteti taratqan málimdemede.

Eske sala keteıik, keshe «Atameken» ulttyq kásipkerler palatasy basshysynyń orynbasary Tımýr Járkenov málimdeme jasap, Qytaımen aradaǵy shekara beketinde 17 júk kóligi óte almaı turǵanyna on bir kún bolǵanyn aıtqan bolatyn. Spıker óz sózinde mundaı oqıǵalardyń jıi qaıtalanatynyn, Memlekettik kirister komıteti qyzmetkerleri tarapynan júrgiziletin tekserýlerdiń uzaq jasalatynyn jáne bul kásipkerlerdiń zııan shegýine ákeletinin de tilge tıek etti.