«Nur Suńqar» baıqaýynyń jeńimpaz-jýrnalısteri marapattaldy
«Nur Suńqar» respýblıkalyq baıqaýynyń jyl ótken saıyn BAQ qyzmetkerleri arasyndaǵy tanymdylyǵynyń artyp kele jatqanyn atap ótken lázim. Jeńimpazdar partııa qyzmeti, elimizdiń saıası, ekonomıkalyq jáne rýhanı jańǵyrýy, mańyzdy qoǵamdyq partııalyq bastamalar, partııanyń jastar saıasaty týraly úzdik materıaldary arqyly anyqtaldy. «Júzden júırik, myńnan tulpar» shyqqandar 8 atalym boıynsha marapattaldy.
Bıylǵy jyly baıqaýdyń qaraýyna otandyq buqaralyq aqparat quraldarynyń 200 ókilinen 600-den astam jumys tústi. Bul jolǵy baıqaýda Astana jáne Almaty qalasynyń jýrnalısteri erekshe belsendilik tanytty. Óńirdegi jýrnalısterdiń de baıqaýǵa qatysýǵa nıet bildirgen qyzyǵýshylyǵy arta túsýde. Baıqaýǵa materıaldar barlyq oblystardan keldi. Jeńimpazdardyń esimderi quramynda elimizge belgili jýrnalıster, qoǵam qaıratkerleri bar baıqaý komıssııasynyń qorytyndy otyrysynda anyqtaldy.
Baıqaý qorytyndysy boıynsha «Elbasy bastamalaryn halyqqa túsindirýge qosqan úlesi úshin» atalymyn «RTRK Qazaqstan» AQ arnaıy tilshisi Dýlat Nýrkın ıelendi. «Partııa qyzmeti týraly eń úzdik materıal úshin» atalymy Qaraǵandy oblysyndaǵy «Lıter» gazetiniń tilshisi Aınur Balakeshovaǵa buıyrdy. «Erekshe pikir» atalymynda «Astana» telearnasy aqparattyq-saraptamalyq baǵdarlamalar dırektory Anar Karıntaeva úzdik televızııalyq jýrnalıst atandy. «Halyq daýysy» atalymy «Habar24» telearnasynyń dırektory Arman Seıitmamyttyń qanjyǵasyna baılandy.
«Sóz sheberi» atalymynda «Egemen Qazaqstan» gazeti mádenıet jáne rýhanııat bóliminiń meńgerýshisi Talǵat Batyrhan úzdik jýrnalıst boldy.
«Aımaq aınasy» atalymyn «Kazahstanskaıa pravda» gazetiniń Qostanaı oblysyndaǵy tilshisi Evgenıı Ermakov pen «Semeı tańy» gazetiniń basshysy Ryıza Moldasheva ózara bólisti.
«Eń úzdik taldaý baǵdarlamasy» atalymy «Habar» telarnasy keshki jańalyqtar qyzmetiniń bas redaktory, «Negizinde» baǵdarlamasynyń júrgizýshisi Rýslan Ospanǵa tabys etildi. «Medıa profı» atalymyn «Qamshy Media» JShS dırektory Nurǵalı Nurtaı men baq.kz saıtynyń redaktory Erjan Jaýbaı bólisip, olar ınternet basylymnyń úzdik jýrnalısteri atandy.