Nur-Sultannan shyǵatyn qaı joldar jabyldy

NUR-SULTAN. QazAqparat - Qazirgi ýaqytta elordadan shyǵatyn birneshe baǵyttaǵy joldar jabyldy, dep habarlaıdy QazAqparat elorda ákimdiginiń qalalyq monıtorıng jáne jedel áreket etý ortalyǵynyń Telegram-kanalyna silteme jasap.

7 naýryzda saǵat 20.40-tan bastap aýa raıy jaǵdaıynyń nasharlaýyna baılanysty (burqasyn, kórinýdiń nasharlaýy) kóliktiń barlyq túrleri úshin respýblıkalyq mańyzy bar «Nur-Sultan – Qabanbaı batyr – Kıevka – Temirtaý» jolynyń Qabanbaı batyr kentiniń 29-51 shaqyrymynda – Qaraǵandy ​​oblysynyń shekarasyna deıin kólik qozǵalysy jabyldy.

Budan buryn saǵat 19.30-dan bastap aýa raıynyń turaqtanýyna baılanysty respýblıkalyq mańyzy bar (Nur-Sultan – Ereımentaý – Shiderti km 16-156), Nur-Sultan – Ereımentaý avtomobıl joldarynda Nur-Sultan qalasynan shyǵatyn joldarda kóliktiń barlyq túrleri úshin qozǵalys jandandy. Sondaı-aq Ekaterınbýrg – Almaty km 917 – 1247, Nur-Sultan – Astrahanka ýchaskesi ashyldy.