Nur-Sultanǵa eki aptada 110 tonna medıtsınalyq preparat jetkizildi

NUR-SULTAN. QazAqparat – Nur-Sultan qalasynyń ákimi Altaı Kólginov elordada qazirgi kúni shamaman bir aıǵa jetkilikti dári-dármek qory jınalǵanyn málim etti, dep habarlaıdy QazAqparat tilshisi.

«Qaladaǵy kolledjderden 275 jas maman emhanalarda jumysqa ornalasty. Jalpy alǵanda oqý oryndarynan 500-den astam jas medıtsınalyq mamandar tartýdamyz. Olarǵa elordalyq dárigerlermen birdeı eńbek jáne demalys jaǵdaıy qarastyrylǵan», - dedi Altaı Kólginov Úkimet otyrysynda.

Elorda ákimi dárihanalyq jelilerdiń dıstrıbıýterlerine logıstıka, dári-dármekterdi satyp alý jáne qalaǵa jetkizý rásimderin jeńildetý máseleleri boıynsha qoldaý kórsetilip jatqanyn aıtyp ótti.

«12 shildeden bastap elordaǵa Túrkııa, Reseı, Úndistan jáne basqa da elderden suranysqa ıe farmakologııalyq toptarǵa kiretin (vırýsqa qarsy, antıbakterıaldy terapııa, antıkoagýlıanttar jáne antıkoagýlıanttar) 110 tonnadan astam medıtsınalyq preparattardyń 4,5 mıllıon qaptamasy jetkizildi. Dári-dármekter dárihanalardyń iri jelilerine teńdeı bólinip jetkizildi, qazirgi kúni shamaman 1-aıǵa jetkilikti qor qalyptastyryldy», - dedi ol.