Nur-Sultandaǵy súriletin úılerdiń tizimin qaıdan alýǵa bolady

NUR-SULTAN. QazAqparat – Elorda aýmaǵynda 219 turǵyn úı apatty dep tanylǵan. Redaktsııanyń saýalyna joldaǵan jaýabynda ákimdik mamandary osyndaı málimet berdi, dep habarlaıdy QazAqparat.

Óz úıińizdiń bul tizimde bar-joǵyn bilý úshin Nur-Sultan qalasynyń turǵyn úı jáne turǵyn úı ınspektsııasy basqarmasynyń resmı saıtyna kirý kerek.

«Buzýǵa jatatyn apattyq úılerdiń tizbesi Nur-Sultan qalasynyń turǵyn úı jáne turǵyn úı ınspektsııasy basqarmasynyń zhil-astana.kz resmı saıtynda jarııalanady» deıdi ákimdik ókilderi.

Mamandardyń aıtýynsha, apatty úılerdiń tizimi ár bes jyl saıyn jańartylyp otyrýy kerek.

Qazirgi jaǵdaı boıynsha, súriletin úılerdiń basym bóligi Baıqońyr jáne Saryarqa aýdandarynda shoǵyrlanǵan.

«Tizim 5 jylǵa jasalady jáne ony qala ákimdigi bekitedi. Búgingi kúni Nur-Sultan qalasy boıynsha 219 turǵyn úı apatty dep tanyldy:

«Almaty» aýdany - 10;

«Baıqońyr» aýdany - 105;

«Esil» aýdany-2;

«Saryarqa» aýdany – 102» dep jazylǵan basqarmanyń resmı jaýabynda.