Nur-Sultandaǵy shaǵyn aýdandarǵa gaz taratý jelileri salynýda

NUR-SULTAN. QazAqparat - Nur-Sultan qalasynda ornalasqan shaǵyn aýdandarǵa gaz taratý jelileri salynyp jatyr. Magıstraldyq gaz qubyrynyń montajy aıaqtalý satysynda, dep habarlaıdy QazAqparat qalalyq ákimdikke silteme jasap.

Elorda ákimi Altaı Kólginov jelilerdi júrgizý barysyn tekserdi.

«Gaz qubyry Qazaqstannyń Tuńǵysh Prezıdenti - Elbasy Nursultan Nazarbaevtyń tapsyrmasyna sáıkes salynyp jatyr. Elordany odan ári damytý jónindegi keńeste Memleket basshysy Qasym-Jomart Toqaev qalany gazdandyrý protsesin baqylaýǵa alýdy tapsyrdy», - dep habarlandy ákimdiktiń Instagram paraqshasynda .

Elorda ákimi Altaı Kólginov jumys qarqynyn tómendetpeý qajettigin atap ótti. Jelezodorojnyı eldimekeninde gaz taratý jelileriniń úshten biri salyndy. Sonymen birge bul jumystar Kóktal-1, Kóktal-2 jáne Agrogorodok eldimekenderinde júrgizilip jatyr.

2020-2023 jyldary qalanyń ónerkásiptik sektory men eldimekenderdi gazdandyrý 3 kezeńde ótedi: kelesi jylytý maýsymynda Kóktal-1, Kóktal-2, Agrogorodok, Promyshlennyı, Jeleznodorojnyı eldimekenderi gazben qamtylady. Ekinshi kezeńde Mıchýrıno, Internatsıonalnyı, Kúıgenjar (1-2 ІKQ), Telman (3 ІKQ), Prıgorodnyı, Garden Village jáne Family Village (4 ІKQ) eldimekenderi qamtylady. Úshinshi kezeńde Ilınka (1-2-shi ІKQ), Shubar (3-shi ІKQ), Óndiris (4-shi ІKQ) eldimekenderi gazdandyrylady.

Gaz ótkizý qaladaǵy zııandy qaldyqtardyń 6 esege, qatty zattardyń – 40 myń tonnaǵa deıin azaıýyna múmkindik beredi.