Nur-Sultandaǵy saýda-oıyn-saýyq ortalyqtary men mádenı nysandar qalaı jumys isteıdi

NUR-SULTAN. QazAqparat – Nur-Sultan qalasy bas sanıtar dárigeriniń jańa qaýlysy boıynsha saýda-oıyn-saýyq ortalyqtary men mádenı nysandardyń qalaı jumys isteıtini belgili boldy, dep habarlaıdy QazAqparat tilshisi.

Ashyq jobasyna qatyspaıtyn saýda, oıyn-saýyq ortalyqtarynyń, saýda úıleriniń, saýda ortalyqtarynyń ǵımaratynda ornalasqan dárihanalardyń, azyq-túlik pen birinshi kezekte qajetti zattardy satatyn shaǵyn marketterdiń, sýpermarketter men gıpermarketterdiń jumysyna bir kelýshige 4 sharshy metr usyna otyryp, kúsheıtilgen sanıtarııalyq-profılaktıkalyq rejım saqtaý arqyly jumys kúnderi saǵat 10.00-den 22.00-ge deıin ruqsat etiltsin. Senbi jáne jeksenbi kúnderi jumysyna tyıym salynsyn», - delingen qujatta.

Sondaı-aq, «Ashyq» jobasyna qatyspaıtyn attraktsıondardyń, oıyn alańdarynyń, muzdy jáne rolıkti syrǵanaqtardyń, oıyn ortalyqtarynyń jumysyna qatań tyıym salynady. Al túrli aktsııalar men jármeńkeler, shoýrýmdar, utys oıyndaryn ótkizýge «Ashyq» jobasyna qatysatyn nysandarda da tyıym salynady.

Sonymen birge, «Ashyq» jobasyna qatysatyn fýdkorttarǵa 30 orynnan asyrmaı jumys isteýge ruqsat etildedi.

Qaýly boıynsha:

- Ashyq jobasyna qatysatyn okeanarıýmnyń jumysyna;

- quramy 15 adamnan aspaıtyn toptyq ekskýrsııalardyń jumysyna (bir kelýshige keminde 4 sharshy metr oryn qaldyrý arqyly) ruqsat beriletin boldy.

Kitaphanalar, murajaılar kúsheıtilgen sanıtarııalyq-profılaktıkalyq tártipti saqtaǵan jaǵdaıda shtattyq rejımde jumys isteı alady.

Ashyq jobasyna qatysatyn kásipkerlik sýbektileri 1 kelýshige keminde 6 sharshy metr oryn qaldyrý arqyly ári bir ýaqytta keletin adam sanyn 150-den asyrmaı kórme ótkize alady.

Al Ashyq jobasyna qatyspaıtyn meıramhana, dámhana, kofehana, ashana tıpti qoǵamdyq tamaqtaný obektileri ornalasqan jerine qaramastan, kúsheıtilgen sanıtarııalyq-profılaktıkalyq is-sharalardy saqtaı otyryp, ǵımarat ishinde 50%-ǵa deıin júktelim saqtaý arqyly, oryn sanyn 30-dan asyrmaı, kórshi ústelderdiń arasynda keminde 2 metr jer qaldyrsa, saǵat 07.00-den 20.00-ge deıin jumys isteıtin boldy.

Ashyq jobasyna qatyspaıtyn obektilerde banketter men úılený toılaryn, mereıtoılar men eske alý sharalaryn uıymdastyryp, ótkizýge qatań tyıym salynady.

Ashyq jobasyna qatyspaıtyn jabyq azyq-túlik jáne azyq-túlik emes bazarlardyń jumysy bir kelýshige 4 sharshy metr oryn qamtamasyz etip, kúsheıtilgen sanıtarııalyq-profılaktıkalyq sharalardy saqtaý arqyly jumys kúnderi shtattyq rejımde uıymdastyrylady. Al senbi jáne demalys kúnderi jumys isteýne tyıym salynady.

Ózge shekteý sharalaryn myna siltemenden krýge bolady.

Qaýly 28 tamyz kúni saǵat 00:00-den bastap kúshine enedi.