Nur-Sultandaǵy 15 myń oqýshyǵa tegin mektep formasy berilmek
Aktsııa sheńberinde elorda ákimdigi jekelegen sanattaǵy balalardy mektepke daıyndaýda materıaldyq kómek kórsetedi.
Aktsııany elorda ákimdigi Nur-Sultan qalasynyń kásipkerler palatasynyń qatysýymen úshinshi jyl qatarynan uıymdastyryp keledi.
«Bıyl aktsııa aıasynda jalpy somasy 600 mln teńgege mektepke 15 myń oqýshyny daıyndaý josparlanǵan. «Jalpyǵa mindetti orta bilim» aktsııasyna mektep formasy men aıaq kıim óndiretin 18 otandyq taýar óndirýshi qosylýǵa nıet bildirdi. Qala boıynsha 30 saýda núktesi jumys isteıdi, onda ata-analar ul-qyzdarǵa arnalǵan mektep formasyn, sonyń ishinde jeıde, blýzka, sarafan, kostıým (pıdjak, keýdeshe, shalbar nemese ıýbka), jempir satyp ala alady», – dep habarlady Nur-Sultan qalasy kásipkerler palatasy dırektorynyń orynbasary Beısen Jolboldıev.
Onyń habarlaýynsha, bıyl ár oqýshyǵa 40 myń teńgeden bólinedi. Satý jáne esep aıyrysý BMC Sales platformasy bazasynda BMC Vseobuch arnaıy qosymshasy – «Jalpyǵa mindetti orta bilim» jobasyn avtomattandyrý servısi arqyly júrgiziledi. «BMC Vseobuch» servısiniń jańashyldyǵy – satyp alýshyǵa jetkizýshilerdiń taýarlary men saýda núktelerin, satyp alý jáne tólemder tarıhyn, sondaı-aq áleýmettik kartadaǵy balanstyń qaldyǵyn tekserýge múmkindik beredi.
«Memleket aýdarǵan qarajatty basqa maqsatqa jumsaý múmkin emes. Áleýmettik kartochkany toltyryp nemese aqshany qolma-qol sheship alýǵa bolmaıdy», – dep atap ótti Beısen Jolboldıev.
Baǵdarlama 11 tamyzda bastalyp, 31 qazanda aıaqtalady. Aktsııaǵa qatysý úshin ata-ana balalar oqıtyn mektepke baryp, áleýmettik statýsyn rastaýy tıis, keıin balanyń derekteri aktsııaǵa jiberiledi.
«DANMARD kompanııamyz «Jalpyǵa mindetti orta bilim» aktsııasyna basynan qatysyp jatyr. Aktsııa arqyly kóptegen áleýmettik másele sheshiledi: balalardyń kıimi bútindelip, mektepke daıyn bolady, otandyq óndirýshiler taýaryn sata alady. Osylaısha aqshalaı qarajat Qazaqstanda qalady da kórshi elderge emes, ekonomıkamyzdyń damýyna jumsalady. Sondyqtan biz elorda ákimdigi men Nur-Sultan qalasy kásipkerler palatasyna jergilikti bıznes qoldaý men otandyq taýardyń ilgerileýine qosqan úlesi úshin alǵys bildiremiz. Myqty memleket myqty ekonomıka men óndiris negizinde quralady», – deıdi «DANMART» JShS dırektorynyń orynbasary Dılara Sandybaeva.
Palata dırektory Almat Júnisovtyń habarlaýynsha, aktsııaǵa qatysýǵa nıetti otandyq taýar óndirýshiler sany jyl saıyn artyp keledi. Mysaly 2019 jyly qatysýshy sany 9 bolsa, 2020 jyly – 16-ǵa jetti. Aktsııany elorda ákimdigi men Nur-Sultan qalasynyń kásipkerler palatasy úshinshi jyl qatarynan ótkizýde. 2019 jyly 12 690 oqýshyǵa 30 myń teńgeden bóldi. 2020 jyly bul soma 13 245 oqýshyǵa shaqqanda 40 myń teńgege deıin ulǵaıtyldy.
Jalpyǵa mindetti orta bilim aıasynda kómek kelesi sanattaǵy mektep oqýshylaryna kórsetiledi:
-memlekettik ataýly áleýmettik kómek (AÁK) alýǵa quqylyǵy otbasylardyń balalary;
- memlekettik ataýly áleýmettik kómek almaıtyn, jan basyna shaqqandaǵy tabysy eń tómengi kúnkóris deńgeıinen tómen otbasylardyń balalary;
- úıde turatyn jetim balalar jáne ata-anasynyń qamqorlyǵynsyz qalǵan balalar;
-tótenshe jaǵdaı saldarynan shuǵyl kómekke muqtaj otbasylardyń balalary;
- bilim berý uıymynyń alqaly organy aıqyndaıtyn ózge de sanattaǵy bilim alýshylar men tárbıelenýshiler.
2021 jyly «Jalpyǵa mindetti orta bilim» baǵdarlamasynyń qatysýshylary:
1. «SAMHAT aıaq kıim fabrıkasy» JShS
2. BMC Sales satylymdardyń seriktestik jelisi» JShS saýda kompanııasy (mektep jáne balalar kıiminiń tigin fabrıkasy)
3. «Baıbosynova» JK
4. «DANMARD» JShS
5. «Vesta» tigin salony» JShS
6. «Angelcher» JShS
7. «GLASMAN» JShS
8. «ALTEX» JShS
9. «Gaýhar» JShS «Bellasco» brendimen
10. «Style-Z» JShS
11. Sokırko S.N. (Sens Fashion) JK
12. «CHEMPION» JK
13. «Alem Distribution» JShS
14. «Sara» JK
15. «Bizdin Forma» JShS
16. «Mimioriki» JShS
17. «Omarovtar atelesi» JShS
«Bolshevıchka» óndiristik kooperatıvi.